+7 (701) 759 90 19
USD 425.63 EUR 515.99
RUB 5.92 CNY 66.52
Jańalyqtar

Qazaqstandyqtar jumyspen qamtý ortalyǵynyń qyzmetterin onlaın ala alady

2021 jylǵy 11 mamyr 14:56
Bólisińiz:
Qazaqstandyqtar jumyspen qamtý ortalyǵynyń qyzmetterin onlaın ala alady

NUR-SULTAN. QazAqparat - Qazaqstandyqtar jumyspen qamtý ortalyqtarynyń qyzmetterin onlaın rejımde ala alady, dep habarlaıdy QazAqparat.

Uqsas jańalyqtar
Adam ómiri men densaýlyǵyna qaýip tóndiretin 224 nysannyń jumysy toqtatyldy Qazaqstan pandemııa kezinde qoldaý sharalaryna 15 mlrd dollardan astam qarjy bólgen 1,2 mln adamǵa jumysqa ornalasýǵa kómek kórsetiledi – Eńbek mınıstri

Qazaqstannyń barlyq óńiriniń turǵyndary mamyr aıynan bastap Enbek.kz portaly arqyly halyqty jumyspen qamtý ortalyqtarynyń qyzmetterin qashyqtan ala alady.

Budan buryn habarlanǵandaı, 2020 jylǵy 17 qarashada jumyssyzdardy tirkeý rásimderin jeńildetý jáne jumyspen qamtý memlekettik qyzmetterin alýdy jeńildetý úshin QR Eńbek jáne halyqty áleýmettik qorǵaý mınıstrligi respýblıkalyq mańyzy bar qalalar men oblys ortalyqtarynyń turǵyndaryna elektrondyq eńbek bırjasy arqyly HJQO qyzmetterin qashyqtan kórsetý boıynsha pılottyq jobany iske qosty.

Osy jyldyń 5 qańtarynan bastap respýblıkanyń 40 qalasynyń turǵyndaryna, al mamyrdan bastap barlyq qazaqstandyqtarǵa osy múmkindik berildi.

EEB-tegi «Jeke kabınette» qazaqstandyqtar jumys izdeýshi adam nemese jumyssyz retinde esepke tura alady jáne tirkeýdiń barlyq kezeńderin qadaǵalaı alady.

Jumyssyz mártebesin alǵannan keıin azamattar (áleýmettik saqtandyrý júıesine qatysýshylar) onlaın rejımde EEB-da jumysynan aıyrylý boıynsha áleýmettik tólemge ótinim jibere alady jáne memleket sýbsıdııalaıtyn jumys oryndaryn – jastar praktıkasyn, áleýmettik jumys oryndaryn, qoǵamdyq jumysty óz betinshe tańdaı alady.

Joǵaryda kórsetilgen qyzmetterdi onlaın rejımde alý úshin elektrondyq tsıfrlyq qoltańbany paıdalana otyryp, EEB-da tirkeýden ótý qajet.

Jyl basynan beri qyzmetterdi qashyqtyqtan alý múmkindigin 34 myńnan astam adam paıdalandy. 30 myń azamat jumyssyz mártebesin aldy.

«Jumys izdep, jumyspen qamtý ortalyǵyna barǵysy keletin azamattarǵa úıden shyǵýdyń qajeti joq. Munyń bárin birneshe mınýt ishinde Enbek.kz portalynda jasaýǵa bolady, ol úshin tek ınterneti bar kompıýter men elektrondyq tsıfrlyq qoltańba bolýy kerek. Qyzmet tolyqtaı avtomattandyrylǵan. Bul degenimiz, eger úsh jumys kúni ishinde portalda adamǵa laıyqty jumys tabylmasa, onda Elektrondyq eńbek bırjasy jumyssyz retinde tirkeýdi avtomatty túrde júzege asyrady. Osylaısha, adamı faktor tolyǵymen joıylady», – deıdi Eńbek jáne halyqty áleýmettik qorǵaý vıtse-mınıstri Erbol Ospanov.

Internet nemese kompıýter bolmaǵan jaǵdaıda, barlyq jumyspen qamtý ortalyqtarynda qurylǵan ózine-ózi qyzmet kórsetý aımaqtarynda EEB arqyly qyzmetterdi alýǵa bolady.

HJQO qyzmetkerleri onlaın usynylatyn qyzmetter boıynsha qajetti keńester beredi.

Bul azamattarǵa jumyspen qamtý ortalyǵynyń mamanyna qabyldaýǵa kezek kútpeýge jáne COVID-19 pandemııasy jaǵdaıynda fızıkalyq baılanystardy azaıtýǵa múmkindik beredi.

Onlaın qyzmet kórsetý týraly tolyq aqparatty enbek.kz saıtynda jáne halyqty jumyspen qamtý ortalyǵynda alýǵa bolady.

Jumys izdep júrgen adam retinde elektrondy eńbek bırjasynda onlaın tirkelgisi kelgender myna siltemede tıisti málimetti ala alady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT