+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

Qazaqstandyqtar júkti jasóspirimdi kórsetken baǵdarlamany jabýdy talap etti

2019 jylǵy 18 qazan 00:53
Bólisińiz:
Qazaqstandyqtar júkti jasóspirimdi kórsetken baǵdarlamany jabýdy talap etti

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev qazaqstandyq BAQ-taǵy jaǵymsyz baǵdarlamalar men aqparattar týraly aıtty, dep habarlaıdy QazAqparat.

Uqsas jańalyqtar
QMDB-nyń qarjy qyzmetiniń ashyqtyǵyn qamtamasyz etý qajet – Abaev Metsenattar aýrýhana, jol, kópir sekildi nysandar salýǵa da atsalysýy kerek - mınıstr Dáýren Abaev: Keıbir adamdar dinniń atyn jamylyp, ekstremızmdi nasıhattap júr

«Qazaqstandaǵy buqaralyq aqparat quraldarynyń 90% jeke menshikte jáne memleket olardyń qyzmeti men redaktsııalyq saıasatyna aralasa almaıdy. Biz jalpy aqparattyq kún tártibin qaraımyz jáne negatıvtiń kóp emestigin baıqap otyrmyz. Biraq, halyq eń aldymen, jaǵymsyz, keleńsiz jańalyqtarǵa nazar aýdarady», - dedi mınıstr «Habar» telearnasyndaǵy «Ashyq dıalog» baǵdarlamasynda.

Osyǵan baılanysty mınıstr naqty mysaldar keltirdi.

«Máselen, bir aýylda eń zamanaýı mektep turǵyzylsa, kompıýterler qoıylsa, bul jańalyqty sol aýyldan shyqqan nemese qandaı da bir qatysy bar adamdar ǵana oqıdy. Biraq, dál sol aýylda bir adam ekinshi adamdy pyshaqtasa, ekeýi eki túrli ulttan bolsa, muny júzdegen adam japa-tarmaǵaı oqıtyn edi», - dep túsindirdi Dáýren Abaev.

Onyń aıtýynsha, bul – Qazaqstanda ǵana emes, álemde bolyp jatqan úrdis.

«Búkil álemde adamdar eń aldymen, negatıvti jańalyqqa kóńil bóledi. Halyqtyń optımızmi máselesi depýtattardy ǵana emes, barlyǵyn alańdatyp otyr. Degenmen, áleýmettik pessımızm úshin bar kináni jýrnalısterge artyp qoıý jaramas. Bizge túrli baǵdarlamany jabý týraly, keı taqyryptarda materıaldar shyǵarmaý týraly hattar men ótinishter keledi. Jaqynda ǵana respýblıkalyq telearnalardyń birinde jasóspirim qyz týraly habar túsirildi. Ol qyz 15 jasynda júkti bolyp qalǵan. Dál osy shyǵarylymnan keıin kórermender mundaı oqıǵalar kórsetiletin baǵdarlamany jabýdy talap etti. Bul jaǵdaıda meni bir-aq nárse tańǵaldyryp otyr. Oqıǵanyń ózi emes, onyń efırden kórsetilgeni halyqtyń ashýyn týdyrdy. BAQ - qoǵamymyzdyń aınasy jáne kóp jaǵdaıda ony syndyra salǵan ońaı», - dedi Dáýren Abaev.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT