+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Qazaqstandyqtar jekelegen óńirlerde medıtsınalyq qyzmet, tasqynmen kúres jáne dezınfektsııa jumystaryna shaqyrylady

2020 jylǵy 2 sáýir 23:42
Bólisińiz:
Qazaqstandyqtar jekelegen óńirlerde medıtsınalyq qyzmet, tasqynmen kúres jáne dezınfektsııa jumystaryna shaqyrylady

NUR-SULTAN. QazAqparat – Áskerı mindettemesi bar qazaqstandyq otandastarymyzdyń densaýlyǵyn saqtaý qajettigi men tótenshe jaǵdaı rejimin qamtamasy etý úshin shaqyrylǵaly otyr. Qorǵanys mınıstrligi áskerı mindettemesi bar azamattardy jergilikti eldi mekenderde patrýl jasaýǵa, sanıtarlyq tazalaýǵa jáne kóktemgi sý tasqyny bolǵan jaǵdaıda onyń saldaryn joıý jumystayna shaqyrady. Bul týraly QR Bas shtaby bastyǵynyń orynbasary Rýslan Shpekbaev málim etti, dep habarlaıdy QazAqparat.

«Bizdiń Qarýly kúshter shoǵyrlanǵan óńirlerde kúsh bar. Al olar joq jerge medıtsınalyq daıarlyǵy bar, qazir densaýlyq saqtaý salasyna tartylǵan azamattar shaqyrylady. Sonymen birge qyzmette tájirıbesi bar mamandar blokpostarda, eldimekenderdi patrýldeýge jáne ol jerlerdi sanıtarlyq turǵyda tazartýǵa jumyldyrylady. Bálkim, keıbir aımaqta kóktemgi sý tasqynynyń saldaryn joıý protsesine kómektesedi», - dedi Rýslan Shpekbaev QazAqparat tilshisine telefon arqyly aıtqan sózinde.

Sonymen qatar, ol mundaı tájirıbe búkil aımaqta júrgiziletinin jetkizdi.

«Aımaqtarda áskerdiń jumysqa tartylǵanyn bilesizder. Biraq olar jetispeıdi. Áskerı bólimder dıslokatsııasy joq oryndarǵa bálkim adamdardy tartamyz. Alaıda bul rette adam sany, mindeti men merzimi boıynsha sheshimdi Bas shtabtyń kelisimimen ákimdik qabyldaıdy», - dedi spıker.

QR Bas shtaby bastyǵynyń orynbasary sondaı-aq bul jumysqa tartylý kezindegi tólem jaıly da aıtyp ótti.

«Jumyssyz qalǵan azamattar mınımaldy aılyq tólemaqyny alady. Jumysynan tartylǵan azamattar aılyq jalaqysyna ıe bolady. Eń birinshi kezekte naqty aımaqtarǵa kerekti mamandardy iske tartamyz. Ár óńirde jaǵdaı ártúrli. ıAǵnı, adamdar tańerteń óz mindetin oryndaý úshin jumysqa kelgendeı tártipte júredi. Turǵylyqty mekeni boıynsha barady. Keshke úılerine qaıtady», - dedi Rýslan Shpekbaev.

Eske salsaq, Qazaqstan Prezıdenti Qasym-Jomart Toqaev áskerı mindettilerdi arnaýly jıynǵa shaqyrý týraly Jarlyq shyǵarǵan bolatyn.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT