Qazaqstandyqtar jeke kýálikti 5-10 mınýt ishinde alatyn bolady  - Mýsın
2022 jylǵy 29 maýsym 13:04

Qazaqstandyqtar jeke kýálikti 5-10 mınýt ishinde alatyn bolady  - Mýsın

NUR-SULTAN. QazAqparat - Jýyrda qazaqstandyqtar jeke kýálikti 5-10 mınýttyń ishinde ala alatyn bolady. Bul týraly óziniń Facebook paraqshasynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın jazdy, dep habarlaıdy QazAqparat.

«Biz Іshki ister mınıstrligimen birge birtindep arnaıy termınaldardy qoldanysqa engizemiz, sóıtip qujattardy mıgratsııa mamandaryna júginbeı-aq, termınal arqyly resimdeýge bolady»,-dep jazdy mınıstr.

Sonda-aq ol sózinde keshe Úkimet otyrysynda memlekettik qyzmetterdi tsıfrlandyrý barysy týraly aıtyp, sosyn Senat depýtattary aldynda jańa zań jobasy boıynsha baıandama jasaǵanyn jazdy. .

«Zań jobasynda ınnovatsııa, tsıfrovızatsııa jáne aqparattyq qaýipsizdik salasyna ózgerister men onlaın-qyzmetterdi jyldamyraq engizýdi kózdeıtin is-sharalar qarastyrylǵan.

Birinshi kezekte, memlekettik apparatty bıýrokratııadan aryltý, ıaǵnı adamı faktordy azaıtyp, qyzmet kórsetý ýaqytyn qysqartýǵa baǵyttalǵan. Platformalyq model men biryńǵaı arhıtektýra qalyptastyrý arqyly shyǵyny kóp shashyrańqy aqparattyq júıelerdi rettep, qajetsiz bazalardy qysqartýǵa bolady. Nátıjesinde, memlekettik qyzmetterdi kórsetý jyldamdyǵy artyp, azamattarǵa da, memlekettik organdarǵa da qolaıly jáne tıimdi jaǵdaı jasalady.

Shalǵaı aýyldarda turatyn qazaqstandyqtar úshin «tsıfrlyq núkteler» ashylady. Bul máseleni Qazposhtada jumys istep júrgende kótergen edim. Bárine belgili, Qazaqstannyń túkpir-túkpirinde, tipti eń shalǵaı aýyldarynda Qazposhtanyń ǵana bólimsheleri bar, sondyqtan osy bólimshelerde tek poshta qyzmetteri emes, memlekettik qyzmetterdi de usynylatyn bolady. Áıtpese turǵyndar qaladaǵy nemese aýdan ortalyǵyndaǵy HQKO-ǵa barýǵa májbúr.

Tsıfrlyq qujattar máselesine kelsek, zańda tsıfrlyq qujattar qaǵaz nusqamen teń dárejede qoldanylatyny týraly norma qarastyrylǵan.

Sondaı-aq jýyrda qazaqstandyqtar jeke kýálikti 5-10 mınýttyń ishinde ala alatyn bolady. Biz ІІM-men birge birtindep arnaıy termınaldardy qoldanysqa engizemiz, sóıtip qujattardy mıgratsııa mamandaryna júginbeı-aq, termınal arqyly resimdeýge bolady»,-deıdi Baǵdat Mýsın.

Onyń sózinshe, alys eldi mekenderdi baılanyspen qamtý máselesine kelsek, baılanys jelisin elektr jetkizý jelileriniń baǵandary arqyly ótkizý múmkindigin qarastyryp jatyrmyz. ıAǵnı elektr jetkizý jelileri bar jerge baılanys ta ótkiziledi. Al, mundaı múmkindik bolmaǵan jerlerge spýtnık arqyly jetkizetin bolamyz.

Áleýmettik saladaǵy tsıfrlandyrý jumystarynyń qarqyny da báseńdemeýi tıis. Buǵan deıin múgedektikti rastaıtyn qujat alý úshin birneshe mekemeni aralap, túrli anyqtamalar jınaý kerek bolatyn. Biz bul protsesti qaıta qarastyrdyq, endi kóp uzamaı erekshe qajettiligi bar tulǵalar múgedektigin kýálandyrý úshin túrli mekemelerdi aralamaı-aq, bir ǵana mekemege – ózderiniń emhanalaryna júginetin bolady. Kópbalaly analarǵa da járdemaqy proaktıvti túrde taǵaıyndalady. Endi olar járdemaqy resimdeý úshin qujat jınap júrmeıdi, qyzmet avtomatty túrde kórsetiledi.

«Protsesti ashyq jáne jarııaly júrgizýge jol ashylady. Mysaly, alqa bılerdi irikteý protsesi avtomattandyrylady, kómirsýtek shıkizaty boıynsha jer qoınaýyn paıdalaný quqyǵyn berýge arnalǵan aýktsıondar elektrondy túrde ótkiziledi.

Jańa zań jobasynyń basty mindeti – azamattar men memlekettik organdardyń ózara baılanysyn nyǵaıtý. Aryz-shaǵymdar, ótinishter men basqa da qujattardy áp-sátte joldaýǵa bolady.

Osy eki kezdesýdi qorytyndylasam, bizdiń jumysymyz eń basty eki qaǵıdatqa - proaktıvti jáne «adamǵa baǵdarlanǵan» jobalarǵa negizdelgen.

Senatorlar bizdiń zańjobaǵa qoldaý kórsetkenine qýanyshtymyz»,-delingen jazbada.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT