+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Qazaqstandyqtar tólenetin salyǵyn SMS jáne PUSH-habarlama arqyly bile alady

2019 jylǵy 19 jeltoqsan 23:50
Bólisińiz:
Qazaqstandyqtar tólenetin salyǵyn SMS jáne PUSH-habarlama arqyly bile alady

NUR-SULTAN. QazAqparat - Salyq tóleýshiler aldaǵy tólemderdi SMS jáne PUSH-habarlama arqyly bile alady, dep habarlaıdy QazAqparat Memlekettik kirister komıtetine silteme jasap.

Uqsas jańalyqtar
Salyqqa jeńildikter 700 myńnan astam kásipkerlik sýbektisin qamtıdy Tótenshe jaǵdaı kezeńinde salyqty májbúrlep óndirý toqtatyldy QR Úkimeti salyqqa qatysty birqatar jeńildik jasady

QR QM Memlekettik kirister komıteti «» aqparattyq júıesiniń «jergilikti salyqtar» kishi júıesin ázirledi.

Ekinshi deńgeıdegi bankterdiń mobıldik qosymshasynda «Kaspı bank» AQ jáne «Halyq bank» AQ aldaǵy tólemder servısi iske asyryldy.

Endi osy bankterdiń mobıldi qosymshasyn paıdalanýshylardyń barlyǵy 2019 jylǵa kólik quraldaryna salynatyn salyq boıynsha salyq organy eseptegen aldaǵy tólemderdiń somasyn kóre alady jáne osy qosymsha arqyly birden tólem jasaı alady.

Aldaǵy tólemder boıynsha aqparatty qosymsha arqyly paıdalanýshylarǵa SMS jáne PUSH-habarlama túrinde jiberiledi.

Habarlamada 2019 jylǵa kólik quraldaryna salynatyn salyqtyń eseptelgen somasy týraly aqparat kórsetilgen, ony aǵymdaǵy jyldyń 31 jeltoqsanyna deıin tóleý qajet.

Bul rette, eseptelgen kólik quraldaryna salynatyn salyǵy aladǵy tólemder bankterdiń mobıldik qosymshasyndaǵy aldaǵy tólemder servısinde salyq tóleýshiniń esep betinde qalyptasqan tólemin (artyq tólemin) esepke ala otyryp kórsetilgen.

Bul rette SMS jáne PUSH-habarlamalaryndaǵy kólik quraldaryna salynatyn salyq somalary salyq bereshegi sanalmaıtynyn habarlaımyz, sondyqtan, atalǵan kólik quraldaryna salynatyn salyq somasy QR QM Memlekettik kirister komıtetiniń portalyndaǵy « Esebi memlekettik kirister organdarynda júrgiziletin beresheginiń joq (bar) ekendigi týraly málimet» servısinde kórinbeıdi.

Eskere ketsek, esepteý kezinde kólik quraldaryna salynatyn salyq boıynsha aldaǵy tólemderdiń málimetterin QR Іshki ister mınıstrliginiń Ákimshilik polıtsııa komıtetinen (ІІM ÁPK) alyndy.

Aǵymdaǵy jyldyń jeltoqsan aıyna tirkeý esebine qoıylǵan kólik quraldary boıynsha aldaǵy tólemder týraly aqparat ІІM ÁPK málimetterdi berilýine qaraı jańartylady.

Kólik quraldaryna salynatyn salyq salyq kezeńiniń sońyna deıin menshik quqyǵy satyp alynǵan aıdyń 1 kúninen bastap, ıaǵnı aǵymdaǵy jyldyń sońyna deıin ne menshik quqyǵy berilgen aıdyń 1 kúnine deıin naqty ıelený kezeńi úshin esepteledi. Bul rette salyq kezeńi ishinde kólik quralyna menshik (satý) quqyǵyn bergen jaǵdaıda, naqty ıelený kezeńi úshin tóleýge jatatyn soma kólik quralyn tirkeý esebinen shyǵarǵanǵa deıin bıýdjetke engizilýge tıis.

Jeke tulǵalar úshin salyqtyq raqymshylyq júrgizý sheńberinde salyq bereshegi bolǵan jaǵdaıda jeke tulǵalar aǵymdaǵy jyldyń sońyna deıin boryshtyń negizgi somasyn ótegen jaǵdaıda eseptelgen ósimpuldy esepten shyǵarýǵa quqyly ekendigin qosymsha habarlaımyz.

Bul aktsııa 2018 jylǵy múlik salyǵy men jer salyǵy boıynsha bereshekke qoldanylmaıdy.

Jeke tulǵalar salyqty basqa da tásildermen tóleı alady: ekinshi deńgeıdegi bankter bólimshelerinde nemese tólem termınaldarynda qolma-qol aqsha qarajatymen, bankomattar men tólem termınaldarynda banktik kartalar kómegimen nemese QR QM MKK saıtynda elektrondyq servıster kómegimen iske asyra alsyz.

Anyqtamalyq aqparatty alý úshin jeke tulǵalar biryńǵaı baılanys ortalyǵynyń 1414 tegin telefon nómiri boıynsha júgine alady.

Sonymen qatar salyq bereshegin memlekettik kirister komıtetiniń www.kgd.gov.kz resmı saıtynyń «Salyq beresheginiń bolýy/bolmaýy týraly málimetter» bóliminde tekserýge bolady. Salyq tóleýshi tek óziniń JSN-in engizýi qajet. Sodan keıin, ol óziniń salyq beresheginiń derekterine qol jetkizedi. Eseptiliktiń barlyq papkalaryn ashýdy usynamyz.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT