+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Qazaqstandyqtar tamyz aıynda 113 kg altyn quımasyn satyp alǵan

2021 jylǵy 21 qyrkúıek 10:45
Bólisińiz:
Qazaqstandyqtar tamyz aıynda 113 kg altyn quımasyn satyp alǵan

NUR-SULTAN. QazAqparat – Tamyz aıynda el turǵyndary 2400-den astam altyn quıma satyp aldy. Bul týraly QazAqparat Ulttyq bankke silteme jasap habarlaıdy.

Uqsas jańalyqtar
Bıylǵy 9 aıda Qazaqstanda ІJÓ-niń ósýi 3,4 paıyz boldy - UB 2022 jyly taýarlar eksporty 60,1 mıllıard dollar deńgeıinde boljanyp otyr - Erǵalıev Májilis Ulttyq qordan kepildendirilgen transfertke qatysty qujatty maquldady

2021 jyldyń tamyz aıynda qazaqstandyqtar ekinshi deńgeıli bankter men jekelegen banktik emes aıyrbastaý pýnktterinen jalpy salmaǵy 113,7 kg 2460 ólshengen quıma satyp aldy.

Halyqqa tazartylǵan altyn quımalardy satý jáne satyp alý baǵdarlamasyn (budan ári – Baǵdarlama) Ulttyq bank 2017 jyly iske qosty. Baǵdarlama júzege asqaly jalpy salmaǵy 2,3 tonna 62 838 altyn quıma satyldy.

Altyn quımalardyń bes túri usynylady: 5, 10, 20, 50 jáne 100 g. Satyp alýshylar arasynda eń kóp suranysqa ıe bolǵany – 10 gramdyq quıma. Onyń jalpy satylymdaǵy úlesi 29% – 18 267 dana. Odan keıin 100 gramdyq quıma – 14 273 dana (23%) jáne 20 gramdyq quıma – 12 314 dana (20%), 5 gramdyq quıma – 10 376 dana (16%), 50 gramdyq quıma – 7 608 dana (12%). Negizinen, ólshengen quımalar Almaty, Nur-Sultan jáne Atyraý qalalarynda suranysqa ıe.

Altyn quımalar senimdi ınvestıtsııalyq qural bola alady. Bankter men banktik emes aıyrbastaý pýnktteriniń klıentke aqshasyn tólep, quımalardy «kúnbe-kún» satyp ala alatyn múmkindigi – altyn quımalar naryǵynyń ótimdiligin qamtamasyz etýde negizgi faktorǵa aınalyp otyr.

Ár quıma qorǵanys elementterimen (quımalardyń aına beti, mıkrotekst jáne releftiń sheti), quımalardy mehanıkalyq zaqymdanýdan qorǵaıtyn jáne pakettiń ashylǵan-ashylmaǵanyn tekserýdi jeńildetetin arnaıy qaptamamen shyǵarylady. Qorǵanys qaptamasy, sonymen qatar, quımanyń sapa sertıfıkaty bola alady. Sondyqtan quımany saqtaǵanda muqııat bolyp, oramany ashpaǵan jón.

Qazirgi ýaqytta altyn quımalardy Halyk Bank-te, Eýrazııalyq bankte, Jusan Bank-te, Bank TsentrKredıtte, sondaı-aq banktik emes aıyrbastaý pýnktterinde satyp alýǵa jáne satýǵa bolady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT