Qazaqstandyqtar tabysynyń 50 paıyzyn azyq-túlikke jumsaıdy - zertteý
2022 jylǵy 20 maýsym 14:51

Qazaqstandyqtar tabysynyń 50 paıyzyn azyq-túlikke jumsaıdy - zertteý

NUR-SULTAN. QazAqparat – Qazaqstan otbasylary tabystarynyń 50 paıyzyn azyq-túlikke, onyń ishinde 46 paıyzyn tamaq satyp alýǵa jumsaıdy, dep habarlaıdy QazAqparat tilshisi.

Finprom.kz portalynyń málimetinshe, elimizde úı sharýashylyǵyndaǵy shyǵystar bir jyldyń ishinde 17 paıyzǵa artyp, al kiris tek 16 paıyzǵa ǵana kóterilgen.

Jyl ishinde Qazaqstandaǵy úı sharýashylyqtarynyń aqshalaı kiristeri 15,5 paıyzǵa ósip, osy jyldyń 1-toqsanynda bir úı sharýashylyǵyna shaqqanda ortasha eseppen 777,8 myń teńgeni qurady. Al úı sharýashylyǵyna jumsalatyn shyǵyn 17 paıyzǵa ulǵaıyp, 754,6 myń teńgege jetti.

úı sharýashylyǵyna jumsalatyn shyǵyn kiriske qaraǵanda bir jyldyń ishinde 95,8 paıyzdan 97 paıyzǵa deıin ósti. ıAǵnı, kiristiń 97 paıyzy tutynýshylyq shyǵystarǵa, týǵan-týystar men tanystarǵa materıaldyq kómek kórsetýge, alıment, sonymen qatar salyq jáne ózge de tólemderge jumsalǵan.

Qazaqstannyń óńirleri arasynda 2022 jyldyń 1-toqsanyndaǵy eń joǵary shyǵystar Almaty qalasynyń úı sharýashylyqtarynda (935,9 myń teńge) baıqalady. Odan keıingi orynda Qyzylorda (881 myń teńge) men Qaraǵandy (862,3 myń teńge) tur.

Elimizdiń úsh óńirinde, atap aıtqanda Túrkistan (15 paıyzǵa), Almaty (14,8) oblystary men Almaty qalasynda úı sharýashylyǵynyń shyǵystary kiristen asyp ketken.

2022 jyldyń 1-toqsanynda úı sharýashylyǵyndaǵy shyǵystardyń qurylymynda tutynýshylyq shyǵystar 92 paıyzdy qurady: 693,2 myń teńge. Onyń ishinde 377,4 myń teńge azyq-túlik, 182,6 myń teńge azyq-túlik emes taýarlar satyp alýǵa jumsalyp, 133,1 myń teńge aqyly qyzmetterge shyǵyndaldy. Sonymen ózge shyǵystar 25,5 paıyzǵa artty. Biraq, oratash eseppen alǵanda bir úı sharýashylyǵyna 61,4 myń teńgeni ǵana qurady.

Úı sharýashylyǵy shyǵystarynyń basym bóligi azyq-túlik pen alkogolsyz sýsyndar satyp alýǵa jumsalady: 349,2 myń teńge. Bul barlyq shyǵystardyń 46,3 paıyzyn jáne azyq-túlik taýlarlaryn alýǵa arnalǵan shyǵystardyń 92,5 paıyzyna teń.


Seriktester jańalyqtary

Jańalyqtar

Úrdis

MURAǴAT