+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Qazaqstandyqtar satylǵan kólikti kóbinese tirkeý esebinen shyǵarmaıdy

2020 jylǵy 18 qyrkúıek 12:08
Bólisińiz:
Qazaqstandyqtar satylǵan kólikti kóbinese tirkeý esebinen shyǵarmaıdy

NUR-SULTAN. QazAqparat - Qazirgi ýaqytta salyq organdaryna kólik quraldarynyń qaryzy týraly habarlama alǵan avtokólik ıelerinen kóptegen shaǵymdar kelip túsýde. Olardyń aıtýynsha, bul kólik quraldary birneshe jyl buryn satylǵan, ıelikten shyǵarylǵan nemese joıylǵan, onyń ishinde 2020 jyly satylǵan kólik quraldary da bar, dep habarlaıdy QazAqparat tilshisi.

Uqsas jańalyqtar
ShQO-da jylyna 4 myń tonna taýarly balyq ósirý kózdelýde Aqmola áleýmettik-ekonomıkalyq damýdyń basty kórsetkishterine qol jetkizdi Qazaqstannyń EAEO elderimen ózara saýdasy tómendedi

Memlekettik kirister komıtetiniń málimetinshe, kelip túsken shaǵymdardyń taldaýy satylǵan kólik quraldary kóbinese ýákiletti organnyń tirkeý esebinen shyǵarylmaǵan nemese qaıta resimdelmegenin kórsetken. Bul rette, atalǵan kólik quralyna salyq tóleý boıynsha mindetteme salyq zańnamasy boıynsha osy azamattarda qalady.

Aıta ketý kerek, jeke tulǵalar salyq kezeńi úshin salyq somasyn derbes esepteıdi jáne salyqty salyq kezeńiniń 31 jeltoqsanynan keshiktirmeı tóleıdi.

Kólik quraldaryna salyqty derbes esepteý úshin Memlekettik kirisiter organdarynyń portalynda yńǵaıly jáne paıdalanýǵa ońaı «Salyq kalkýlıatory» arnaıy servısi bar.

Salyq organdary salyq zańnamasynyń normalaryna sáıkes kólik quraldaryna salyqty 2019 jyl úshin 2020 jyly, 2020 jyl úshin 2021 jyly ýákiletti organnyń málimetteri negizinde esepteıdi.

Bul rette, aǵymdaǵy jyldyń naýryz aıynda elimizde qalyptasqan epıdemıologııalyq jaǵdaıǵa baılanysty salyq organdarynda azamattardyń jappaı jınalýyn boldyrmaý úshin salyq bereshegin óndirip alý sharalary toqtatyldy.

Qazirgi ýaqytta eldegi jaǵdaıdyń turaqtanýyna jáne karantın rejıminiń jeńildetilýine baılanysty salyq organdary 2019 jylǵa jáne ótken kezeńderge, onyń ishinde 2020 jyly satylǵan kólik quraldary boıynsha, salyq bereshegi týraly habarlamany azamattarǵa jappaı taratý júrgizildi.

Osyǵan baılanysty, kólik quraldaryn 2019 jylǵa jáne ótken kezeńderge salyq bereshegin tólemeı satqan ıelerine salyq bereshegi týraly habarlama jiberildi.

Bul rette, eger kólik quraly menshiginde bolmasa qate málimetterdi jedel túzetý úshin «App Store» jáne «Play Market» - ten júkteýge bolatyn «e-Salyq» mobıldik qosymshasynda túzetý servısi ázirlendi. Onyń kómegimen azamattar kólik quralyn esepten shyǵarý nemese aqparatty túzetý úshin ýákiletti organǵa júgine alady.

Eger ótinish berilgennen keıin ýákiletti organnyń derekter bazasyna túzetýler engizse, salyq organy salyqty qaıta esepteýdi júrgizetinine nazar aýdaramyz.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT