Qazaqstandyqtar koronavırýsty anyqtaý testin aqyly tapsyra alady

NUR-SULTAN. QazAqparat – Qazaqstandyqtar koronavırýsty anyqtaý testin aqyly tapsyra alady. Bul týraly QR DSM Taýarlar men qyzmetterdiń sapasyn jáne qaýipsizdigin baqylaý komıtetiniń tóraǵasy Lıýdmıla Bıýrabekova aıtty, dep habarlaıdy QazAqparat tilshisi.

Uqsas jańalyqtar

Shymkent qalasyna erteńnen bastap kirip shyǵýǵa tyıym salynady

Eljan Birtanov koronavırýstan aıyqqan naýqastar qalaı emdelgenin aıtty Koronavırýstan kóz jumǵan áıelge qatysty tekserý júrgizilip, bas dáriger jazalandy Elimizde test jasaıtyn 10 zerthana ashylady

«Jalpy, bizde elimizge mundaı ekspress-testterdi jetkizetin birneshe demeýshi bar. Qazirgi ýaqytta birneshe kompanııaǵa bir ret ákelýge ruqsat berip te qoıdyq. Birinshi toptamasy osy aptada jetkiziledi. Ekspress-testileý «Olımp» zerthanasynyń bazasynda júrgiziledi. Bul jedel-testter ımmýnofermentti saraptama ádisine negizdelgen. Patsıenttiń qanynda antıdeneni anyqtaıtyn bolady. ıAǵnı, aýrýyp júrgenderde nemese jeńil túrimen aýyryp, jazylǵandardy anyqtaıdy», - dedi komıtet tóraǵasy mınıstrliktiń Facebook-tegi paraqshasynda «Densaýlyq mınıstrligi habarlaıdy...» degen aıdarmen jarııalanǵan vıdeoda.

Onyń atap ótýinshe, QR DSM koronavırýsty anyqtaý úshin testileýden áleýmettik álsiz topqa kiretin patsıentterdi ótkizedi. Olarǵa eń aldymen dárigerlerdiń esebinde turǵan tynys alý organdarynda sozylmaly aýrýlary bar adamdar, vırýs juqtyrý táýekeli tobyna kiretin adamdar, qarttar jáne 18 jasqa deıingi balalar kiredi. Degenmen, bul sanattaǵy adamdardyń naqty qaısysy testten ótetindigi qazirgi ýaqytta naqtylanyp jatyr.

«Olımp» jekemenshik zerthanasy mundaı testileýdi aqyly túrde de ótkizetini belgili boldy.

«Al biz testti polımerazdy tizbekti reaktsııa-dıagnostıkasy ádisimen naqty aýrý juqtyrýy múmkin naýqastarǵa tegin júrgizemiz», - dedi L.Bıýrabekova.