+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Qazaqstandyqtar qaı elderge kedergisiz ushyp bara alady

2020 jylǵy 9 qyrkúıek 08:38
Bólisińiz:
Qazaqstandyqtar qaı elderge kedergisiz ushyp bara alady

NUR-SULTAN. QazAqparat – Indýstrııa jáne ınfraqurylymdyq damý mınıstrligi qazaqstandyqtardyń qandaı memleketterge kedergisiz jáne karantındik shekteýsiz ushyp bara alatynyn aıtty, dep habarlaıdy QazAqparat tilshisi.

Uqsas jańalyqtar
PTR anyqtamasy joq jolaýshyny ushaqqa otyrǵyzýǵa tyıym salý tek sheteldikterge qatysty - Úkimet

«Qazaqstan aýmaǵynda koronavırýs ınfektsııasynyń paıda bolýy men taralýyn boldyrmaý jónindegi vedomstvoaralyq komıssııanyń 2020 jylǵy 18 tamyzdaǵy hattamasyna qosymsha berilgen qujat bar. Ol «QR Memlekettik shekarasynan 2020 jylǵy 11 mamyrdan bastap karantındik shekteýler kezeńindegi ótý tártibi» qujaty. Onyń 2-shi tarmaǵyna sáıkes, QR Úkimetiniń sheshimi boıynsha tikeleı (turaqty, týrızm maqsatynda turaqty emes charterlik reıster) áýe qatynasy qaıta ornatylǵan shet memleketterge QR azamattarynyń shyǵýlaryna, sondaı-aq QR-ǵa tikeleı (turaqty, týrızm maqsatynda turaqty emes charterlik reıster) áýe qatynasy qaıta ornatylǵan memleketterdiń azamattaryna – vızalyq talaptardy saqtaı otyryp, eger QR-nyń halyqaralyq sharttarynda ózgeshe tártip qarastyrylmaǵan bolsa jáne sheteldik azamat Qazaqstannyń tikeleı áýe qatynasyn qaıta ornatqan jáne tikeleı reıspen kelgen sol eldiń azamaty bolǵan jaǵdaıda – Qazaqstanǵa kirýge ruqsat beriledi», - dep jaýap berdi mınıstrliktiń baspasóz qyzmeti «QazAqparat» HAA resmı saýalyna.

Sonymen birge shet memleketterde Qazaqstannan kelgen jolaýshylarǵa sol eldiń óz karantındik shekteý sharalary qoldanylýy múmkin. Halyqaralyq jolaýshylar reısterin qalpyna keltirý týraly sheshim komıssııanyń sheshimi men QR Densaýlyq saqtaý mınıstrliginiń usynymdaryn, sondaı-aq atalǵan eldegi epıdemıologııalyq jáne karantındik sharalarǵa qatysty shet memlekettiń saıasatyn eskere otyryp qabyldanady.

«Komıssııanyń 2020 jylǵy 11 maýsymdaǵy sheshimine sáıkes, 2020 jylǵy 20 maýsymynan bastap Túrkııa, Qytaı, Ońtústik Koreıa, Taıland, Grýzııa men Japonııa memleketterine halyqaralyq reısterdi jandandyrýǵa ruqsat berilgen. Sonymen birge, komıssııanyń 2020 jylǵy 11 tamyzdaǵy sheshimine sáıkes, 2020 jylǵy 17 tamyzdan bastap Birikken Arab Ámirligi, Belarýs Respýblıkasy, Germanııa, Nıderlandy, Egıpet, Ýkraına jáne Reseı Federatsııasyna halyqaralyq reısterdi oryndaýǵa ruqsat berilgen. Qazirgi jaǵdaı boıynsha 7 memleketke (Túrkııa (41 jıilik), Ońtústik Koreıa (2 jıilik), Nıderlandy (1 jıilik), BAÁ (19 jıilik), Belarýs (9 jıilik), Germanııa (6 jıilik), Ýkraına (5 jıilik) – aptasyna 83 reıs jıiligimen 14 baǵyt boıynsha turaqty halyqaralyq avıareıs kezeń-kezeńimen qaıta jańartyldy», - delingen mınıstrliktiń jaýabynda.

Naqtyraq aıtqanda tómendegi reıster jandanǵan:

- Nur-Sultan – Dýbaı – Nur-Sultan (Eır Astana – aptasyna 3 ret, Fly Dubai – aptasyna 5 ret);

- Almaty – Dýbaı – Almaty (Eır Astana – aptasyna 4 ret, Fly Dubai – aptasyna 7 ret);

- Nur-Sultan – Frankfýrt – Nur-Sultan (Eır Astana – aptasyna 5 ret);

- Oral – Frankfýrt – Oral (Eır Astana – aptasyna 1 ret);

- Nur-Sultan – Mınsk – Nur-Sultan (Belavıa – aptasyna 5 ret);

- Almaty – Mınsk – Almaty (Belavıa – aptasyna 4 ret);

- Almaty – Kıev – Almaty (Eır Astana – aptasyna 5 ret);

- Almaty – Seýl – Almaty (Eır Astana – aptasyna 1 ret, Asiana Airlines – aptasyna 1 ret);

- Atyraý – Amsterdam – Atyraý (Eır Astana – aptasyna 1 ret);

- Almaty – Ystambul – Almaty (Eır Astana – aptasyna 9 ret, Turkish Airlines – aptasyna 2 ret, Pegasus – aptasyna 3 ret).

- Nur-Sultan – Ystanbul – Nur-Sultan (Eır Astana – aptasyna 5 ret, Turkish Airlines – aptasyna 2 ret);

- Almaty – Antalıa – Almaty (Eır Astana – aptasyna 7 ret);

Nur-Sultan – Antalıa – Nur-Sultan (Eır Astana – aptasyna 7 ret, Turkish Airlines – aptasyna 4 ret);

- Atyraý – Ystanbul – Atyraý (Eır Astana – aptasyna 2 ret).


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT