Jańalyqtar  >
Qazaqstandyqtar qarjy jınaqtaryn qalaı saqtaǵany durys – maman keńesi
2022 jylǵy 16 tamyz 18:58

Qazaqstandyqtar qarjy jınaqtaryn qalaı saqtaǵany durys – maman keńesi

NUR-SULTAN. QazAqparat - Ekonomıst Baýyrjan Isabekov jınaǵan qarajatty qalaı únemdeý, tipti keı jaǵdaıda ony kóbeıtýge qatysty keńes berdi, dep habarlaıdy QazAqparat tilshisi.

«Búginde aqshany birneshe valıýtada saqtaýǵa keńes berer edim. Biraq rýblge abaı bolý kerek. Óıtkeni resmı baǵamy bir, al qara naryqtaǵy baǵamy múldem basqa. Birneshe valıýtanyń bolýy jınaǵyńyzdy qaýipsiz jáne turaqty etedi. Jınaqty teń bólikterge bólýge keńes beremin. Aıtalyq, adam dollar, eýro, teńge jáne altynǵa ıelik etedi delik. Olardyń sońǵysy qaýipsiz ınvestıtsııa bolyp sanalady. Sarapshylar bir valıýta quldyrasa da, ekinshisi qymbattaıdy dep esepteıdi. Mundaı jaǵdaıda adam aqshasyz qalmaıdy», - dedi Baýyrjan Isabekov QazAqparat tilshisine telefon arqyly bergen suhbatynda.

Onyń aıtýynsha, eger jınaqty usynylǵan ınvestıtsııa túrlerine utymdy bólse, onda qolda bar qarajat únemdeledi áli ulǵaıa túsedi.

«Sonymen qatar aqsha ekvıvalentine nazar aýdarmaýǵa jáne únemdeýdiń basqa joldaryn qarastyrýǵa keńes beremin: jyljymaıtyn múlik, aktsııalar, oblıgatsııalar, bıznes, damý. Eger IPO-ǵa shyǵarylǵan ulttyq kompanııalardyń aktsııalaryn satyp alsańyz, onda olar da 17-20 paıyz paıda ákelýi múmkin», - dedi Baýyrjan Isabekov.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT