+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Qazaqstandyqtar Erjan Maksımdi Junior Eurovision baıqaýyna shyǵaryp saldy

2019 jylǵy 18 qarasha 07:26
Bólisińiz:
Qazaqstandyqtar Erjan Maksımdi Junior Eurovision baıqaýyna shyǵaryp saldy

ALMATY. QazAqparat – Erjan Maksım Polshada ótetin Junior Eurovision halyqaralyq baıqaýyna attandy, dep habarlaıdy QazAqparat «Habar 24» telearnasyna silteme jasap.

Uqsas jańalyqtar
Erjan Maksım men ulybrıtanııalyqtar Londonnan vıdeo joldady Erjan Maksım Bakýde ónerimen kórermenderdi tamsandyrdy «Habar» agenttigi Junior Eurovision júldegeri Erjan Maksımge syılyq jasady

Almaty áýejaıynda ánshini týǵan-týystary men jankúıerleri shyǵaryp saldy. Olar áýejaıǵa eki saǵat buryn kelgen.

Jas talant bul baıqaýǵa tyńǵylyqty daıyn ekendigin aıtady. Ol Polshaǵa jetken soń kúnine 2-3 saǵattan jattyǵýdy josparlap otyr. «Maǵan Dısneıdiń kóbinese mýltfılmderi unady. Sondaı óleńderge uqsatyp jazyldy. Endi Junior Eurovision-ǵa deıin kóptegen daıyndyqtar bolady», - dedi ol.

E.Maksımniń ákesi onyń jeńiske jetetininen úmitti.

«Erjanǵa senemiz. Qolynan kelgenshe óziniń bar talpynysyn salady degen oıdamyz. Úmittemiz. Jaqsy bir jetistikke jetedi degen oıdamyz. Bári ońynan bolsyn dep tileımiz», - deıdi Erbol Maksımuly.Aıta keteıik, Erjan Maksım Eurovision baıqaýyna arnaıy án jazdyryp, oǵan beıneklıp túsirdi. Al tikeleı konkýrs kúnderi kórermenderge túrli sahnalandyrylǵan qoıylymdar usynylmaq.

Eske salsaq, oraldyq ánshiniń atalmysh halyqaralyq baıqaýǵa qatysatynyn buǵan deıin habarlaǵan bolatynbyz. 10 qazan kúni ol Almatyda baspasóz máslıhatyn ótkizip, baıqaýǵa arnalǵan «Armanyńnan qalma» ániniń beınebaıanyn kórsetti. Onyń rejısseri - Aleksandr Flomboım, prodıýseri - Sergeı Rýtskıı. Ánniń avtorlary - Hamıt Shanǵalıev, Danııar Aldabergenov jáne Tımýr Balymbetov.

15 qarasha kúni Nur-Sultanda ótken baspasóz máslıhatynda Erjan sahnaǵa neshinshi nómirmen shyqqysy keletinin aıtty.

«Habar» agenttiginiń basqarma tóraǵasy Erlan Bekhojınniń aıtýynsha, bıyl baıqaýǵa negizinen Eýropalyq odaq elderiniń ókilderi qatysady. Ázerbaıjan men Túrkııa óz kandıdattaryn usynbaǵandyqtan, Erjan búkil túrki álemniń atynan óner kórsetetin bolady.

Junior Eurovision mýzykalyq baıqaýynyń ashylý rásimi 18 qarasha kúni ótip, jas ánshiler jerebe tartady. Sol arqyly sahnaǵa shyǵatyn rettik nómirleri anyqtalady. 24 qarashada bolatyn fınaldyq kezeńdi «Habar« telearnasynan tikeleı efırden kórýge bolady. Jeńimpazdy telekórermenderdiń daýys berýi men quramyna 3 eresek jáne 2 bala kiretin baıqaýǵa qatysýshy elderdiń tóreshileri anyqtaıdy.

«Junior Eurovision» alǵash ret 2003 jyly Danııanyń Kopengagen qalasynda ótti. Bıylǵy baıqaýǵa 19 elden órender qatysady. Al Qazaqstan baıraqty básekege alǵash ret 2018 jyly Mınskide (Belarýs) qatysty. Elimiz atynan «Ózińe sen» ánimen Danelııa Tóleshova óner kórsetip, altynshy orynǵa ıe boldy. Bas júlde polshalyq Roksanna Vengelge buıyrdy. Ekinshi oryndy Frantsııa ánshisi Angelına, úshinshi oryndy avstralııalyq Djael Ýena jeńip aldy.

Bizdiń kanalymyzǵa jazylyńyz:

Basty sózder: Almaty, Mádenıet, Aımaq,
Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT