Jańalyqtar  >
  Qoǵam
Qazaqstandyqtar endi Domınıkanǵa eki aıǵa vızasyz bara alady
2022 jylǵy 11 tamyz 22:28

Qazaqstandyqtar endi Domınıkanǵa eki aıǵa vızasyz bara alady

NUR-SULTAN. QazAqparat – Qazaqstandyq týrıster endi Domınıkan Respýblıkasyna 60 kúnge vızasyz bara alady. Eki el Úkimetiniń syrtqy ister vedomstvolary ýaǵdalasqan kelisim jobasy ashyq talqyǵa shyǵaryldy, dep habarlaıdy QazAqparat tilshisi.

«Jaramdy jol júrý qujattary bar QR azamatynan Domınıkan Respýblıkasyna 60 kúnnen aspaıtyn ýaqytqa bir nemese birneshe ret barǵanda, tranzıtpen ótkende jáne ýaqytsha bolǵan kezde vızalyq talaptar suralmaıdy. Atalǵan el aýmaǵynda bolǵan kezinde óziniń qujattaryn joǵaltqan Qazaqstan Respýblıkasynyń azamaty sol memlekettegi Qazaqstan elshiligine nemese konsýldyq bólimshelerine baryp, ókildikter usynǵan ýaqytsha qujat arqyly Domınıkan aýmaǵynan tys jerlerge shyǵa alady», - delingen qaýlyda .

Eske sala keteıik, buǵan deıin el turǵyndary Albanııa memleketine 90 kúnge vızasyz bara alatynyn jazyp edik.


Foto: www.portalcomunicare.com.br

Seriktester jańalyqtary

Jańalyqtar

Úrdis

MURAǴAT