+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Qazaqstandyqtar aýyr dertke shaldyqqan azamatqa bir kúnde 19 mln teńge jınap berdi

2020 jylǵy 28 aqpan 21:37
Bólisińiz:
Qazaqstandyqtar aýyr dertke shaldyqqan azamatqa bir kúnde 19 mln teńge jınap berdi

NUR-SULTAN. QazAqparat – Elordada ótken «Myń alǵys» qaıyrymdylyq kontsertinde bas-súıek isigi aýrýyna shaldyqqan Samat Aqbergenovke 19 mln teńgeden astam qarajat sertıfıkaty tabystaldy. Mundaı somany qazaqstandyqtar radıoefır jáne áleýmettik jeli arqyly bir kúnniń ishinde jınaǵan. Bul týraly QazAqparat «Qazaq radıolary» JShS silteme jasap habarlaıdy.

Qaıyrymdy iske qarjy jınaý radıomarafony bir aı boıy ótti. Osy kezeńde qazaqstandyqtar arnaıy ashylǵan esepshotqa aqsha aýdardy. Aktsııaǵa volonter ári bloger Dáýlet Tóleýtaı belsendi atsalysty.

Aıta ketsek, keshtiń basty keıipkeri Samat Aqbergenov ota jasatý úshin 18,5 mln.teńge qajettigin aıtyp, «Qazaq» radıosyna habarlasqan. 29 aqpanda, ıaǵnı erteń Samat ota jasatý úshin Máskeýge attanady. Ol kesh barysynda «Qazaq» radıosy men bloger Dáýlet Tóleýtaıǵa, onyń áleýmettik jelidegi oqyrmandaryna jasaǵan jaqsylyqtary úshin alǵys aıtty.

Sondaı-aq, taǵy bir qoǵamdyq birlestik Jansaıa Pishembaıdyń operatsııasyna qajet 1 mln 200 myń teńge berdi. 36 jastaǵy er adam órt kezinde eki qolyn qatty kúıdirip alǵan. Byltyrǵy radıomarafonda jınalǵan qarajat onyń bir qolyna operatsııa jasaýǵa jumsalǵan. Al bıyl jınalǵan soma onyń ári qaraı emdelýine tólenedi.

Kesh qonaqtary da, basty keıipkerler de qaıyrymdylyq adamzatty biriktiretin uly kúsh ekenin sezinip, ár qýanyshty sátke baladaı qýanyp, tebirenip otyrdy. Qaıyrymdylyq sharasynda zalda arnaıy jáshikter qoıyldy. Oǵan jınalǵan qarajat ta muqtaj jandardyń em-domyna jumsalady.

Keshtiń televızııalyq nusqasy «Qazaqstan» Ulttyq telearnasynan 1 naýryz 12:30-da kórsetiledi.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT