Qazaqstandyqtar alkogol, gaz jáne dári-dármekten jıi ýlanady - dáriger

ALMATY. QazAqparat – Almatyda «Toksıkologııalyq qyzmetti jetildirý» atty halyqaralyq konferentsııa ótip jatyr, dep habarlaıdy QazAqparat tilshisi.

Uqsas jańalyqtar

Mańǵystaýda qandalany dezınfektsııalaý kezinde úsh adam ýlanyp qaldy

Almatyda jándikterdi ýlaıtyn «Palach» dárisin satýǵa tyıym salyndy Atyraýda 10 jasar bala energetıkalyq kámpıtten ýlanyp qaldy Tamaqtan ýlanýdyń aldyn alý joldary qandaı – maman keńesi

Almaty qalalyq jedel járdem aýrýhanasy toksıkologııa bóliminiń bastyǵy Gúlmıra Toıbaevanyń aıtýynsha, jazataıym oqıǵa kezinde kóz jumǵandardyń sany búginde azaımaı otyr. Onyń ishinde alkogoldi ishimdikten ýlaný kósh bastap tur.

«Statıstıkaǵa súıensek, patsıentterdiń basym bóligi alkogol ónimderinen ýlanǵan. Biraq 90-shy jyldarmen salystyrǵanda, spırttik ishimdikten ýlanǵandar sany edáýir azaıdy «, - deıdi dáriger.

Ekinshi orynda - dári-dármekten ýlaný.

«Shynyn aıtý kerek, elimizde dári-dármekten ýlaný faktisi jıi oryn alady. Kóbine psıhotropty dárilerden ýlanady. Paratsetamol, aspırın, dımedrol iship ýlanǵandar bar. Sońǵy eki jylda dımedroldan ýlaný azaıdy. Esesine paratsetomoldan ýlaný kóbeıdi. Bul dáriniń gepatotoksıkalyq áseri bar», - dedi ol.

Ýly gazdan ýlaný - úshinshi orynda. Dárigerdiń aıtýynsha, onyń sebepteri ártúrli, biraq eń kóp taraǵany - pesh qondarǵylaryn paıdalaný kezinde órt qaýipsizdigi erejeleriniń buzylýy.

Sonymen qatar, esirtki zatynan ýlanǵandar jıi kezdesedi. Bul ólimge ákeledi. Ótken jyly respýblıkada ólimniń ortasha deńgeıi 3,5% qurady. Dúnıejúzilik kórsetkishtermen salystyrǵanda, álemde ólim-jitimniń ortasha deńgeıi 4%-7% deıin.

«Óńirlerge keletin bolsaq, ýlaný faktisi BQO, Almaty, Aqtóbe, Qostanaı, Pavlodar jáne Shyǵys Qazaqstan oblystarynda jıi tirkeledi. Al arnaıy mamandandyrylǵan bólimder ashylǵan aımaqtarda – Almaty, Nur-Sultan qalalary men OQO-da ólim-jitim deńgeıi edáýir tómen», - dep túsindirdi ol.

Spıkerdiń aıtýynsha, Almatyda ólim kórsetkishi 2014 jyldan bastap 2018 jylǵa deıin 0,4% tómendedi.