+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Qazaqstandyqtar 15 jylda bir ǵana qor arqyly 6,2 mlrd teńgeniń qaıyrymdylyq kómegin jınaǵan

2021 jylǵy 30 mamyr 23:15
Bólisińiz:
Qazaqstandyqtar 15 jylda bir ǵana qor arqyly 6,2 mlrd teńgeniń qaıyrymdylyq kómegin jınaǵan

NUR-SULTAN. QazAqparat – Almatyda Arýjan Saınnyń «DOM» qorynyń qurylǵanyna 15 jyl tolýyna arnalǵan derekti fılmniń tusaýkeseri ótti, dep habarlaıdy QazAqparat.

Uqsas jańalyqtar

Almatydaǵy «Arman» kınoteatrynda «Meıirimdilik» erikti qoǵamy» qaıyrymdylyq qoǵamynyń 15 jyldyǵyna arnalǵan «Balalarǵa ómir syıla» atty derekti fılmniń tusaýkeseri ótti. Týyndyny qordyń osy ýaqyt ishindegi jumysy týraly esebi deýge bolady. Týyndy ózgelerdiń taǵdyryna beıjaı qaramaıtyn qazaqstandyqtardyń arqasynda kómek alǵan balalardyń ómiri týraly áserli sıýjetterden quralǵan.

«Kúndelikti kúıbeń tirlikpen júrip qansha jumys istelgenin baıqamaımyz. Jyldyq esepterdiń qorytyndylaryn qosqanda ǵana 15 jyl ishinde Qazaqstan halqy «DOM» QQ arqyly balalarǵa jalpy somasy 6,2 mlrd teńgeden astam kómek kórsetkenin bilip, tańqaldyq! Buǵan balalardyń shetelde emdelýin uıymdastyrýǵa arnalǵan tikeleı aqshalaı qaıyrymdylyqtar, medıtsınalyq jabdyqtar men tehnıkalyq ońaltý quraldarynyń, sanıtarlyq-gıgıenalyq ónimder men turmystyq hımııa quraldarynyń, emhanalarǵa, aýrýhanalar men balalar úıine berilgen tamaq, kıim men aıaq kıimniń quny kiredi. Bizdiń barlyq jobalarymyzda – «Balalarǵa ómir syıla», «Aýtızmdi jeńemiz!» jáne «Jetimi joq Qazaqstan» – «Samruk-Kazyna Trust» áleýmettik jobalardy damytý qory, «Kusto» kompanııalar toby, «Kaspi.kz» jáne basqa da kóptegen uıymdar men myńdaǵan qarapaıym qazaqstandyqtar qorǵa qoldaý kórsetti», - deıdi Arýjan Saınniń ózi.

Onyń aıtýynsha, «Balalarǵa ómir syıla» jobasy arqyly da respýblıkanyń barlyq aımaqtarynan 1981 balaǵa kómek kórsetilgen. 4 mlrd 101 mln 208 414 teńge somasynda 3 017 ota jasalǵan.

Sondaı kómek alǵandardyń biri – Ońtústik Qazaqstan oblysynyń Maqtaaral óńirinen shyqqan Qurbanbek jáne Talapty Aıdarquldar. Ekeýi de VI tıpti mýkopolısaharıdoz (Maroto-Lamı sındromy) deıtin dertke shaldyqqan. Eki jyl boıy balalar densaýlyq saqtaý mınıstrliginde shetelden emdelýge kvota alý úshin kezekte turǵan. Analary Svetlananyń «DOM» qoryna júginýi balalar ómirin saqtaýdyń sońǵy múmkindigi edi. Birneshe otadan keıin ǵana Qurbanbektiń kórý qabiletin saqtap qalý múmkin bolǵan. Al Talaptyǵa ortopedııalyq operatsııa jasalyp, aıaǵyn basqan.

Fılmniń taǵy bir keıipkeri Danııl Fedorov ta Qazaqstan halqynyń arqasynda óz densaýlyǵy úshin júrgizgen 9 jyldyq kúreste jeńip shyqty. 2020 jyldyń qyrkúıeginde júregine radıkaldy operatsııa jasatqan jigit qazir medıtsınalyq kolledjde oqyp júr.

26 jastaǵy Araılym Bortanova bala kezinen gemodıalızge shaldyǵyp, 5 jyl boıy úı kórmeı, aýrýhanada turǵan. Qazaqstanda donorlyq búırek tabylmaǵan. Onyń ústine elimizde ondaı transplantatsııalyq otany balalarǵa jasaıtyn múmkindik te joq edi. 12 jasynda Araılym qordyń kómegimen Qytaıda ota jasatyp, keıin anasymen birge jyl saıyn Úrimjidegi klınıkaǵa baryp qaralyp turdy. Araılym Qytaıdaǵy pedagogıkalyq ınstıtýtty bitirgennen keıin Almatyda ortalyq ashyp, tilek bildirýshilerge qytaı tilin úıretip júr. Sonymen birge ol Almaty oblystyq №1 balalar úıiniń tárbıelenýshilerine tegin sabaq beredi.

«Samruk-Kazyna Trust» qorynyń qarajatyna emdelgen Anıa Lıtvınova 16 jasynda tserebraldy sal aýrýyn jeńip shyqty. Qazir ol júzýden Azııa jáne Álem chempıonattarynyń jeńimpazy, Qazaqstan chempıony.

Al Murat pen Orynbasar Qabylbaevtar ata-ananyń qamqorlyǵynsyz qalǵan 12 jáne ózderiniń bir balasyn teńdeı kórip, tárbıelep otyr. «Jetimi joq Qazaqstan» jobasy bul shańyraqty únemi baqylaýynda ustap keledi.

Fılmde kómek alǵan balalar týraly ǵana emes, kómektesken adamdar týraly bıandalady. Olardyń ishinde Máýlen Áshimbaev, Vıacheslav Kım (Kaspi.kz), Ásel Shildebaeva (Samruk-Kazyna Trust), Erkin Tátishev (Kusto Group) sııaqty qordyń qamqorshylary da bar.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT