+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstandyqtar 15 myńǵa jýyq memlekettik qyzmetti úıde otyryp aldy

2020 jylǵy 30 maýsym 14:50
Bólisińiz:
Qazaqstandyqtar 15 myńǵa jýyq memlekettik qyzmetti úıde otyryp aldy

NUR-SULTAN. QazAqparat - Memlekettik qyzmetterdi úıde otyryp І jáne ІІ toptaǵy múgedekter, 70 jastan asqan qarttar, Uly Otan soǵysynyń qatysýshylary men múgedektigi bar balalar ala alady. Bul jóninde «Azamattarǵa arnalǵan úkimet» korporatsııasyna silteme jasap QazAqparat habarlaıdy.

Ol úshin olardyń ózi nemese qamqorshylary 1414 qysqa nómirine qońyraý shalyp, ótinish qaldyrýy kerek. Budan keıin «Azamattarǵa arnalǵan úkimet» memlekettik korporatsııasynyń mamandary olarǵa habarlasyp, úılerine baryp memlekettik qyzmetti kórsetý kúni men ýaqytyn belgileıdi.

Bıylǵy 5 aıda Azamattarǵa arnalǵan úkimettiń fılıaldary turǵyndardyń úıine baryp, 15 myńǵa jýyq memlekettik qyzmet kórsetti.

«Azamattarǵa arnalǵan úkimet» memlekettik korporatsııasynyń basqarma tóraıymy Ásemgúl Baltashevanyń aıtýynsha, úı-úıge baryp memlekettik qyzmet kórsetý – korporatsııa qurylǵan sátten bastap paıda bolǵan qyzmet jáne osy kúnge deıin ol ózektiligin joǵaltqan emes. «Azamattardyń úılerine baryp kórsetiletin eń tanymal qyzmetter – pasporttar men jeke kýálikterdi berý, múgedekterdi sýrdo-tıflotehnıkalyq jáne mindetti gıgıena quraldarymen qamtamasyz etý, múgedekterdi protezdik-ortopedııalyq kómekpen qamtamasyz etý úshin qujattaryn rásimdeý», – dedi Baltasheva.

Ol sondaı-aq Almaty qalasy, Jambyl jáne Qyzylorda oblystarynda mobıldi toptardyń jıi shaqyrylatynyn aıtty. Eń sıregi – Batys Qazaqstan oblysynda.

Memlekettik korporatsııa qyzmetkerleri koronavırýs pandemııasyn eskere otyryp, qyzmet kórsetý barysynda barlyq qaýipsizdik sharalaryn saqtaıdy. Barlyq maman maskalarmen jáne antıseptıktermen jabdyqtalǵan. Qyzmet alýshylarmen baılanysty azaıtý úshin HQO mamandary dálizden ary ótpeı, áleýmettik qashyqtyqty saqtaıdy.

Aıta ketý kerek, «Azamattarǵa arnalǵan úkimet» memlekettik korporatsııasy múgedekterge memlekettik qyzmet kórsetý jumysyna kóp kóńil bóledi. Azamattardyń úılerine baryp memlekettik qyzmet kórsetýmen qatar, HQO mamandary estý jáne sóıleý qabileti nashar adamdarǵa memlekettik qyzmetterdi kórsetý úshin ym-ıshara tilin meńgergen.

Sondaı-aq, múgedektigi bar 807 azamat memlekettik korporatsııa men onyń fılıaldarynda túrli laýazymdarda jumys isteıdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT