+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Qazaqstandyqtar 1 trln teńgeden astam zeınetaqy jınaǵyn balamaly maqsattarǵa paıdalandy

2021 jylǵy 9 sáýir 14:00
Bólisińiz:
Qazaqstandyqtar 1 trln teńgeden astam zeınetaqy jınaǵyn balamaly maqsattarǵa paıdalandy

ALMATY. QazAqparat - Qazaqstandyqtar 1 trln teńgeden astam zeınetaqy jınaqtaryn balamaly maqsattarǵa paıdalandy jáne basqarýshy kompanııalarǵa berdi, dep habarlaıdy QazAqparat tilshisi.

Biryńǵaı jınaqtaýshy zeınetaqy qorynyń málimetishe, 2021 jyldyń 8 sáýirindegi jaǵdaı boıynsha ýákiletti operatorlardyń bankilerinde, sondaı-aq, ınvestıtsııalyq basqarýshylarda ashylǵan qazaqstandyqtardyń arnaıy shottaryna BJZQ-dan 1,031 trln teńgeden astam qarjy tústi.

«1,02 trln teńgeni BJZQ salymshylary men alýshylary turǵyn úı jaǵdaılaryn jaqsartýǵa paıdalanýda. Bul rette BJZQ-ǵa ýákiletti operatorlardan túsken salymshylardyń (alýshylardyń) ótinishterine sáıkes, alynǵan somanyń shamamen 33,5% turǵyn úıdi ıpotekasyz (tolyq satyp alý) alýǵa, shamamen 30% - ıpotekalyq qaryzdy óteýge, onyń ishinde ıslam bankiniń qarjylandyrýy (tolyqtaı nemese ishinara) sheńberinde, 23 % astam soma jaqyn týystaryna berýge josparlanýda»,- dep habarlady qordaǵylar.

Salymshylardyń arnaıy shottaryna kelip túsken tólemderdiń ortasha somasy 5 mln teńgeden asady. Ótinishterdiń basym bóligi Mańǵystaý oblysy (18%), odan keıin Almaty (17,3%), jáne Nur-Sultan (13,8%) qalalarynyń turǵyndarynan kelip tústi.

Emdelý úshin el turǵyndary 3,5 mlrd teńgeden astam qarjyny aldy. Ortasha eseppen alǵanda bir ótinish boıynsha emdelýge 1 mln teńge zeınetaqy jınaqtary aýdarylady. Ótinishterdiń basym bóligi Almaty qalasy (20,9%), Nur-Sultan qalasy (17,5%) jáne Atyraý oblysynyń (8,05%) turǵyndaryna tıesili.

Qazirgi ýaqytta berilgen ótinishterdiń 690-y oryndalyp, ınvestıtsııalyq portfeldi basqarýshylarǵa aýdarylǵan qarjynyń jalpy somasy shamamen 1,7 mlrd teńgeni qurady, bul rette aýdarymnyń ortasha somasy 2,4 mln teńge boldy.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT