+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Qazaqstandyq jastar Afrıkadaǵy 250 adamǵa aýyzashar asyn berdi

2019 jylǵy 15 mamyr 07:42
Bólisińiz:
Qazaqstandyq jastar Afrıkadaǵy 250 adamǵa aýyzashar asyn berdi

NUR-SULTAN. QazAqparat - Qazaqstandyq bir top jas Afrıka elinde turatyn musylman jurtshylyǵyna aýyzashar asyn berdi, dep habarlaıdy QazAqparat tilshisi.

Dastarhan 250 adamǵa jaıylǵan. Uıymdastyrý jumystaryn Afrıkadaǵy musylman halqyna aýyzashar beretin qor qolǵa alǵan. Almaty qalasy men Aqtóbe oblysyndaǵy 50-ge jýyq belsendi jas sol qorǵa aqsha aýdarǵan.

«Qasıetti Ramazan aıyndaǵy ıgi isterdiń tóresi - aýyz ashtyrý. Afrıka musylmandary aýyzdaryn qara sýmen ashatynyn estigende as berý oıy týyndady. Olardyń kúnkóris deńgeıleri óte tómen. Aýyzashar baǵdarlamasy boıynsha bir adamdy tamaqtandyrýǵa 1 dollar, ıaǵnı 380 teńge shamasynda jumsalady eken. Qazaqstanda bul baǵa bir adamǵa - 600-1500 teńge. Onyń ústine, elimizde aýyzashar berip jatqandar óte kóp. Óńirlerdegi árbir meshitte de olar kúndelikti tegin uıymdastyrylady. Atalmysh eldegi halyqtyń jaǵdaıyna qarap shúkirshilik etsek degen oı», - deıdi uıymdastyrýshylardyń biri Erjan Mızamov.



Onyń aıtýynsha, aldaǵy kúnderi elimiz jastary Mysyrda bilim alyp jatqan 80-ge jýyq qazaqstandyq stýdentke aýyzashar asyn berýdi josparlap otyr.

«Usynystar óte kóp túsýde. Onyń ishinde, Qazaqstandaǵy jaǵdaıy tómen otbasylarǵa qaıyrymdylyq sharalaryn uıymdastyrý bar», - deıdi ol.

Aıta keteıik, 6 mamyr kúni bastalǵan Ramazan aıy 5 maýsymǵa deıin jalǵasady. Qasıetti Qadir túni - 31 mamyrdan 1 maýsymǵa qaraǵan tún. Al 5 maýsym - oraza aıtynyń birinshi kúni. Bıylǵa belgilengen pitir-sadaqa kólemi - 300 teńge.


Qazaqstandyq jastar Afrıkadaǵy 250 adamǵa aýyzashar asyn berdi

Bizdiń kanalymyzǵa jazylyńyz:

Basty sózder: Din, Qoǵam, Afrıka, Jastar,
Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT