Qazaqstandyq jas tennısshiler Ýımbldon jasóspirimder týrnırinde oınaıdy
2022 jylǵy 27 maýsym 12:42

Qazaqstandyq jas tennısshiler Ýımbldon jasóspirimder týrnırinde oınaıdy

NUR-SULTAN. QazAqparat - Qazaqstandyq jas tennısshiler Arýjan Saǵyndyqova men Sandýǵash Kenjebaeva Ýımbldon jasóspirimder týrnırinde oınaıdy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, Team Kazakhstan akademııasynyń túlekteri bıylǵy úshinshi «Úlken dýlyǵa» jarysy - Ulybrıtanııa ashyq chempıonatynda baq synamaqshy.

Arýjan men Sandýǵash jekeleı synda 2-10 shilde aralyǵynda ótetin irikteý saıysynda óner kórsetedi. Jarys jerebesi 30 maýsymda tartylmaqshy.

Osylaısha, A.Saǵyndyqova men S.Kenjebaeva Ýımbldon kortynda alǵash ret oınamaqshy.

Eske sala keteıik, budan buryn qazaqstandyq tennısshiniń Serbııadaǵy jarystyń jeńimpazy atanǵanyn , qazaqstandyqtardyń Ýımbldon týrnırindegi qarsylastary belgili bolǵanyn jazǵan edik.

Sondaı-aq qazaqstandyq jas tennısshiler Almatyda ótken halyqaralyq týrnırde chempıon atandy.

Ýımbldonda búgin qazaqstandyqtar arasynan alǵashqy bolyp elimizdiń birinshi raketkasy Aleksandr Býblık kortqa shyǵady. Onyń qarsylasy - majarstandyq Marton Fýchovıch.


Uqsas jańalyqtar

Jańalyqtar

Úrdis

MURAǴAT