Qazaqstandyq jas tennısshiler Qyrǵyzstandaǵy jarysta úzdik shyqty
2022 jylǵy 28 mamyr 23:15

Qazaqstandyq jas tennısshiler Qyrǵyzstandaǵy jarysta úzdik shyqty

NUR-SULTAN. QazAqparat - Qyrǵyzstannyń Cholpon-Ata qalasynda 18 jasqa deıingiler arasynda besinshi sanattaǵy ITF Juniors týrnıri márege jetti, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, qazaqstandyqtar Erasyl Erdilda men Varvara Alekseeva jekeleı synda osyndaı deńgeıdegi jarystaǵy alǵashqy tıtýlyna qol jetkizdi.

E.Erdilda fınalda ózbekstandyq Artýr Ibragımovti 6:3, 6:1 esebimen tize búktirdi.

V.Alekseeva sońǵy básekede taǵy bir qazaqstandyq Ýlıana Romanovany súrindirdi - 6:2, 6:4.

Juptyq synda qazaqstandyqtar Danır Qaldybekov pen Oleg Gýsakov fınalǵa deıin jetip, ózbekstandyqtar Bobýr Madamınov - Artýr Ibragımovqa ese jiberdi - 4:6, 2:6.

Qyzdar arasynda Anastasııa Krymkova men Sátıma Tóregen fınalda qyrǵyzstandyq Vladıslava Andreevskaıa - reseılik Ýstına Lekometovaǵa jol berdi - 5:7, 3:6. Bul 13 jasar Sátıma úshin ITF týrnırlerindegi birinshi fınaly edi.

Eske sala keteıik, budan buryn Aleksandr Býblıktiń Rolan Garros týrnıriniń shırek fınalyna shyǵa almaǵanyn jazǵan bolatynbyz.

Uqsas jańalyqtar

Jańalyqtar

MURAǴAT