Qazaqstandyq jas tennısshiler Almatyda ótken halyqaralyq týrnırde chempıon atandy
2022 jylǵy 27 maýsym 12:05

Qazaqstandyq jas tennısshiler Almatyda ótken halyqaralyq týrnırde chempıon atandy

NUR-SULTAN. QazAqparat - Almatydaǵy TsSKA tennıs ortalyǵynda 18 jasqa deıingiler arasynda úshinshi sanattaǵy ITF týrnıri márege jetti, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, kún jańbyrly bolǵandyqtan, qazaqstandyq tennısshiler arasynda ótken juptyq syndaǵy fınal hard tóselgen jabyq zalǵa aýystyryldy.

Onda Asyljan Arystanbekova men Aııa Nupbaı otandastary Erkejan Arystanbekova - Dana Baıdáýletti 6:3, 6:2 esebimen utty.

Osylaısha, A.Arystanbekova A.Nupbaımen birge ITF Juniors jarystaryndaǵy besinshi tıtýlyna qol jetkizdi.

Jekeleı synda Dana Baıdáýlet sońǵy básekede reseılik Valerııa Gynınaǵa ese jiberdi - 4:6, 1:6.

Bozbalalar arasynda aýstrııalyq Pol Ýorren tartysty fınalda reseılik Grıgorıı ebekındi tize búktirdi - 7:6 (7:2), 3:6, 6:3.

Eske sala keteıik, budan buryn qazaqstandyq tennısshiniń Serbııadaǵy jarystyń jeńimpazy atanǵanyn jazǵan bolatynbyz.

Sondaı-aq qazaqstandyq tennısshilerdiń Ýımbldon týrnırindegi qarsylastary belgili boldy .


Uqsas jańalyqtar

Jańalyqtar

Úrdis

MURAǴAT