Qazaqstandyq jas tennısshi Ýımbldon jarysyn jeńispen bastady
2022 jylǵy 30 maýsym 20:17

Qazaqstandyq jas tennısshi Ýımbldon jarysyn jeńispen bastady

NUR-SULTAN. QazAqparat – Qazaqstandyq Sandýǵash Kenjebaeva Ýımbldon jasóspirimder týrnıri irikteý saıysynyń fınalyna shyqty, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, 18 jasqa deıingiler arasynda álemniń 92-raketkasy S.Kenjebaeva alǵashqy aınalymda ITF Juniors reıtıngisinde 447-orynda turǵan ulybrıtanııalyq Rýbı Kýllıngpen sheberlik baıqasty.

Eki saǵattan astam ýaqytqa sozylǵan asa tartysty matchta Sandýǵash 6:7 (5:7), 6:3, 10:7 esebimen jeńiske jetti.

Erteń, 1 shilde kúni S.Kenjebaeva irikteý saıystarynyń fınalynda álemniń 85-raketkasy, nıderlandylyq Isıs van den Breıkpen kortqa shyǵady.

Taǵy bir qazaqstandyq Arýjan Saǵyndyqova Ýımbldon jasóspirimder dodasynda ulybrıtanııalyq Sofııa Djonsonǵa jol berdi – 5:7, 2:6.

Eske sala keteıik, budan buryn Aleksandr Býblıktiń Ýımbldon týrnıriniń úshinshi aınalymyna shyqqanyn, qazaqstandyq tennısshiniń jarysty sátti bastaǵanyn jazǵan bolatynbyz.

Sondaı-aq Ýımbldon jasóspirimder týrnırinde taǵy bir qazaqstandyq tennısshi óner kórsetedi.

Qazaqstandyq jas tennısshi Ýımbldonda alǵashqy jeńisine qol jetkizdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT