+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Qazaqstandyq zeınetkerler jeke tabys salyǵynan bosatyla ma

2019 jylǵy 14 jeltoqsan 14:29
Bólisińiz:
Qazaqstandyq zeınetkerler jeke tabys salyǵynan bosatyla ma

NUR-SULTAN. QazAqparat - Premer-mınıstr Asqar Mamın zeınetkerlerdi jeke tabys salyǵy men salyqtyń basqa túrlerinen bosatý múmkindigi týraly túsindirdi, dep habarlaıdy QazAqparat.

Uqsas jańalyqtar
Aqtóbede prokýrorlar múgedekterdiń quqyǵyn qorǵap, zańsyz tólegen salyǵyn qaıtardy Almatylyqtar Jańa jyldy salyq qaryzynsyz qarsy almaq Qazaqstandyqtar tólenetin salyǵyn SMS jáne PUSH-habarlama arqyly bile alady

«Jeke turatyn zeınetkerlerdi múlik salyǵy men avtokólik salyǵyn tóleýden, sondaı-aq 65 jastan asqan jumys isteıtin zeınetkerlerdiń jeke tabys salyǵyn tóleýden bosatýǵa qatysty mynany túsindire keteıin. Salyq zańnamasyna sáıkes bólek turatyn zeınetkerler turǵyn úı qoryndaǵy jer ýchaskeleri, sondaı-aq irgeles jer ýchaskeleri úshin jer salyǵynan bosatylady», - dep jaýap jazdy Asqar Mamın depýtat ótinishine.

Sonymen qatar, ol respýblıkalyq bıýdjet týraly zańda belgilengen jáne tıisti qarjy jylynyń 1 qańtarynda qoldanysqa enetin zań boıynsha bólek turatyn zeınetker menshik quqyǵyndaǵy barlyq salyq salynatyn nysandardyń jalpy qunynan 1000 eselengen aılyq eseptik kórsetkish sheginde múlik salyǵyn tóleýshi bolyp tabylmaıtynyn eske salady.

«Jalpy, biz jeke tabys salyǵyn, zeınetkerlerdiń múlik salyǵy men kólik salyǵyn tóleýden bosatý týraly máseleni qarastyrýǵa bolady dep sanaımyz. Sonymen qatar, Qazaqstan Respýblıkasy Bıýdjet kodeksiniń 5-babyna sáıkes respýblıkalyq jáne jergilikti bıýdjetterdiń shyǵystaryn nemese kiristerin azaıtýdy kózdeıtin normatıvtik quqyqtyq aktiler mindetti túrde Respýblıkalyq bıýdjettik komıssııanyń qaraýyna jatady», - dedi Úkimet basshysy.

Sonymen birge, onyń aıtýynsha, zeınetkerlerdi JTS-dan bosatý úshin norma engizý kezinde bıýdjet shyǵyndarynyń esebin júrgizý qajet.

«Zeınetkerlerdi kólik pen múlikke salynatyn salyqtan bosatýǵa qatysty, tájirıbe kórsetkendeı, azamattardyń áleýmettik álsiz sanattarynyń birine járdemaqy taǵaıyndaý kezinde salyqty tólegisi kelmeıtinder tarapynan quqyq buzý faktileri paıda bolady. Osylaısha, múlik, onyń ishinde úlken qozǵaltqyshy bar qymbat avtokólik salyq mindettemelerin oryndamaý úshin jeńildik jasalatyn tulǵaǵa rásimdeledi», - dep túıindedi A. Mamın.

Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT