Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.82 EUR 428.67
RUB 5.86 CNY 54.95
Jańalyqtar

Qazaqstandyq zańgerler saılaý qorytyndysy boıynsha málimdeme jasady

2019 jylǵy 15 maýsym 14:47 1456
Bólisińiz:
Qazaqstandyq zańgerler saılaý qorytyndysy boıynsha málimdeme jasady

NUR-SULTAN. QazAqparat - «Zańgerler ádil saılaý úshin» respýblıkalyq qoǵamdyq birlestigi kezekten tys prezıdent saılaýy jóninde málimdeme jasady, dep habarlaıdy QazAqparat tilshisi.

«Eki aı boıy saılaý protsesine jiti baqylaý júrgizdik. Azamattardyń saılaý zańnamasyna qatysty suraqtaryna jaýap berdik. Kezekten tys saılaý jarııalanǵan sátten bastap, kandıdattardy usyný jáne tirkeý, saılaý aldyndaǵy naýqandy júrgizý, tynyshtyq kúni jáne saılaý kezeńderiniń barlyǵyna  quqyq turǵysynan baǵa berip otyrdyq»,- dedi zań ǵylymdarynyń kandıdaty, «Qazaqstan zańgerler odaǵynyń» tóraǵasy Serik Aqylbaı elordada ótken baspasóz brıfınginde.

Zańgerlerdiń baǵalaýynsha, Qazaqstan Prezıdentiniń saılaýy konstıtýtsııalyq zańda belgilengen tártipke saı ótti.

«Qatysýshylarǵa ashyq básekege túsýge barlyq jaǵdaı jasaldy. Barlyq kandıdattyń baǵdarlamalyq qujattary jarııalandy jáne qoljetimdi boldy. Saılaý júıesi tıimdi jáne ashyq jumys istedi: saılaýǵa qatysý nátıjesi únemi jańartylyp otyrdy, azamattardyń erkin sheshim jasaýyna eshkim kedergi jasamady. Barlyq óńirlerde daýys berýge jaǵdaı jasaldy, sonymen birge turǵylyqty jeri boıynsha mekenjaı derekterin der kezinde qoldanýǵa múmkindik berildi. Qazaqstandyq saılaý baqylaýshylar ınstıtýtynyń belsendi atsalysqany - qýanyshty jaıt. Bul azamattyq jaýapkershiliktiń, sana-sezimniń jáne jańa demokratııalyq dástúrlerdiń qalyptasýyn kórsetedi», - dedi odaq tóraǵasy.

Sonymen birge, ol qazaqstandyq jáne halyqaralyq baqylaýshylardyń saılaý zańnamasyn buzý faktilerin baıqaǵanyn atap ótti. Osy jaǵdaılardyń barlyǵy muqııat tekserilip, zań buzýshylardyń jaýapkershiligi týraly sheshimder zańnamada belgilengen tártipke sáıkes qabyldanýy tıis.

«Saılaý - quqyqtyq ǵana emes, sondaı-aq saıası protsess. Oǵan quqyqtyq ınstıtýttarmen qatar saıası ınstıtýttar da kiredi: pikirtalastar, saıası partııalardyń, qoǵamdyq birlestikterdiń, olardyń kandıdattarynyń jumysy jáne t.b. Kóptegen saıası protsester qoǵamnyń quqyqtyq jáne saıası mádenıetine tikeleı baılanysty. Saılaýǵa daıyndyq kezinde birneshe ret qaıtalap óttik: bul - ár adamnyń jeke quqyǵy jáne sheshimi, ıaǵnı kimge daýys beretinin, daýys berý quqyǵyn qalaı júzege asyratynyn ár adam ózi biledi. Kóptegen adamdar osy quqyqty qoldandy. Degenmen, zań boıynsha daýys berý - bul mindet emes, bul - quqyq. Azamattyq sana-sezimizdi bildirý arqyly ǵana biz Konstıtýtsııamen belgilengen halyq bıligi qaǵıdatyn júzege asyryp, elimizdiń bolashaǵyn qalyptastyrýǵa qatysa alamyz», - dedi Serik Aqylbaı.

Eske sala ketsek, 2019 jyldyń 9 maýsymynda Qazaqstanda kezekten tys Prezıdent saılaýy ótti. Oǵan Qazaqstan halqynyń 77% astamy qatysty. El ishinde jáne shet elderde 9 968 saılaý ýchaskesi jumys istedi. Nátıjesinde saılaýshylardyń 70,96% Qasym-Jomart Toqaevqa daýys berdi.

 

 

Bizdiń kanalymyzǵa jazylyńyz:

Basty sózder: Zań, Saılaý 2019, Saılaý,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT