Qazaqstandyq tennısshilerdiń Ýımbldon týrnırindegi qarsylastary belgili boldy
2022 jylǵy 26 maýsym 18:51

Qazaqstandyq tennısshilerdiń Ýımbldon týrnırindegi qarsylastary belgili boldy

NUR-SULTAN. Qazaqparat - Qazaqstandyq tennısshilerdiń Ýımbldon týrnırindegi qarsylastary belgili boldy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, aldaǵy dúısenbide bastalatyn «Úlken dýlyǵa» jarysy burynǵylardan erekshe bolmaq.

Bıyl bul dodada óner kórsetetin oıynshylarǵa WTA jáne ATP reıtıngisinde upaı berilmeıdi. Atalmysh jarysty uıymdastyrýshylar Reseı jáne Belarýs tennısshilerine sanktsııa salǵandyqtan, osyndaı sheshim qabyldandy.

Qazaqstannyń birinshi raketkasy Aleksandr Býblık bastapqy kezdesýin majarstandyq Marton Fýchovıchpen ótkizse, Mıhaıl Kýkýshkın amerıkalyq Djenson Brýksbımen sheberlik baıqasady.

Qazaqstannyń áıelder arasynda birinshi raketkasy Elena Rybakına taǵy bir amerıkalyq Koko Vandevegemen oınasa, ıÝlııa Pýtıntsevanyń qarsylasy - frantsııalyq Alıze Korne.

Juptyq synda Anna Danılına bul dodaǵa qatyspaıdy.

Aleksandr Nedovesov pákstandyq Aısam Kýreshımen birge aýstralııalyq Djeıms Dakvort - amerıkalyq Markos Hıronǵa qarsy shyǵady. Andreı Golýbev Denıs Molchanovpen birge ıspanııalyq Pedro Martınes - aýstralııalyq Djon-Patrık Smıtten ótýge tyrysady.

Eske sala keteıik, budan buryn qazaqstandyq tennısshiniń Serbııadaǵy jarystyń jeńimpazy atanǵanyn jazǵan bolatynbyz.


Uqsas jańalyqtar

Jańalyqtar

Úrdis

MURAǴAT