Jańalyqtar  >
  Sport
Qazaqstandyq tennısshilerdiń Tsıntsınnatı týrnırindegi qarsylastary belgili boldy
2022 jylǵy 13 tamyz 11:30

Qazaqstandyq tennısshilerdiń Tsıntsınnatı týrnırindegi qarsylastary belgili boldy

NUR-SULTAN. QazAqparat – Qazaqstandyq tennısshilerdiń Tsıntsınnatı (AQSh) týrnırindegi qarsylastary belgili boldy, dep habarlaıdy QazAqparat tilshisi.

Erler arasynda 15-21 tamyz aralyǵynda ótetin Tsıntsınnatı masters jarysynda Qazaqstannyń birinshi, álemniń 41-raketkasy Aleksandr Býblık alǵashqy aınalymda dúnıejúzilik reıtıngte 21-orynda turǵan aýstralııalyq Aleks De Mınaýrmen kezdesedi.

Áıelder arasyndaǵy Tsıntsınnatı dodasynda Qazaqstannyń birinshi, álemniń 27-raketkasy Elena Rybakına bastapqy básekesin irikteý saıysy jeńimpazdarynyń birimen ótkizedi.

Toronto týrnıriniń shırek fınalyna deıin jetken ıÝlııa Pýtıntseva birinshi aınalymda amerıkalyq Medıson Kızben sheberlik baıqasady.

Qazirgi kezde irikteý saıystary ótip jatqan Tsıntsınnatı týrnıri – AQSh-tyń ashyq chempıonaty aldyndaǵy eń sońǵy iri jarys. US Open bıyl 29 tamyzda bastalady.

Eske sala keteıik, budan buryn Jibek Qulambaevanyń Óskemen týrnıriniń fınalyna joldama alǵanyn jazǵan bolatynbyz.

Al ıÝlııa Pýtıntseva Toronto týrnıriniń jartylaı fınalyna shyǵa almady.

Foto : drmichellecleere.com


Uqsas jańalyqtar
Seriktester jańalyqtary

Jańalyqtar

Úrdis

MURAǴAT