Qazaqstandyq tennısshi Úndistandaǵy jarystyń jartylaı fınalyna joldama aldy
2022 jylǵy 23 maýsym 16:51

Qazaqstandyq tennısshi Úndistandaǵy jarystyń jartylaı fınalyna joldama aldy

NUR-SULTAN. QazAqparat - Qazaqstandyq Gózal Aınıtdınova juptyq synda Úndistanda ótip jatqan ITF W25 jarysynyń jartylaı fınalyna shyqty, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, Gózal úndistandyq Zıl Desaımen birge shırek fınalda taılandtyqtar Lýksıka Kýmhým - Peangtarn Plıpýekpen oınaýy kerek edi.

Áıtse de olar kortqa shyqpaı qaldy.

Alǵashqy aınalymda qazaqstandyq-úndistandyq jup jergilikti tennısshilerdi tize búktirdi - 6:1, 6:0.

G.Aınıtdınova men Z.Desaıdyń jartylaı fınaldaǵy qarsylastary keıin anyqtalady.

Qazaqstandyq tennısshi álemdik reıtıngide 434-orynda keledi.

Eske sala keteıik, budan buryn Aleksandr Býblıktiń Istborn týrnıriniń shırek fınalyna ótkenin jazǵan bolatynbyz.

Sondaı-aq qazaqstandyq tennısshi Serbııadaǵy shırek fınalǵa shyqty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT