Qazaqstandyq tennısshi Ýımbldon jarysyn sátti bastady
2022 jylǵy 30 maýsym 01:28

Qazaqstandyq tennısshi Ýımbldon jarysyn sátti bastady

NUR-SULTAN. QazAqparat – Qazaqstandyq Aleksandr Nedovesov juptyq synda Ýımbldon týrnıriniń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi pákistandyq Aısam Kýreshımen birge bastapqy kezdesýin aýstralııalyq Djeıms Dakvort – amerıkalyq Markos Hıronmen ótkizdi.

Qazaqstandyq-pákstandyq jup qarsylastarynan 6:3, 6:7 (10:12), 6:1, 6:2 esebimen basym tústi.

Eki jarym saǵatqa jýyq ýaqytqa sozylǵan tartysty match barysynda Nedovesov pen Kýreshı 7 eıs jasap, 11 breık-poınttyń beseýin paıdalandy. Olar úshinshi aınalymǵa shyǵý úshin brazılııalyq Rafael Matos – ıspanııalyq Davıd Vega-Ernandespen talasady.

Taǵy bir qazaqstandyq Andreı Golýbev ýkraınalyq Denıs Molchanovpen birge alǵashqy aınalymda ıspanııalyq Pedro Martınes Portero – aýstralııalyq Djon-Patrık Smıtke ese jiberip, jarys jolynan shyǵyp qaldy – 3:6, 6:7 (1:7), 4:6.

Eske sala keteıik, budan buryn Elena Rybakınanyń ekinshi aınalymǵa ótkenin, álemde eıs jasaýdan kósh bastap kele jatqanyn jazǵan bolatynbyz.

Sondaı-aq Aleksandr Býblık Ýımbldon týrnıriniń úshinshi aınalymyna shyqty.

Uqsas jańalyqtar

Jańalyqtar

Úrdis

MURAǴAT