Qazaqstandyq tennısshi Shymkent týrnıriniń jartylaı fınalyna ótti
2022 jylǵy 18 mamyr 18:12

Qazaqstandyq tennısshi Shymkent týrnıriniń jartylaı fınalyna ótti

NUR-SULTAN. QazAqparat – Qazaqstandyq Grıgorıı Lomakın juptyq synda Shymkentte ótip jatqan BeeTV Challenger 80 týrnıriniń jartylaı fınalyna shyqty, dep habarlaıdy QazAqparat tilshisi.

Qazaqstan tennıs federatsııasy málim etkenindeı, G. Lomakın reseılik ıAn Bondarevskıımen birge bastapqy kezdesýin norvegııalyq Vıktor Dýrasovıch – reseılik Ivan Gahovpen ótkizdi.

Qazaqstandyq-reseılik jup 6:4, 6:3 esebimen jeńiske jetti. G. Lomakın men ıA. Bondarevskıı shırek fıralda rýmynııalyqtar Nıkolos Ionel – Fılıpp Jıanýmen oınaýy kerek edi. Alaıda, qarsylastarynyń biri jaraqat alyp qalýyna baılanysty bul kezdesý ótpeıtin boldy.

Sóıtip, G. Lomakın jartylaı fınalǵa joldama aldy.

Jekeleı synda Beıbit Jýkaev ekinshi aınalymda amerıkalyq Evaný Jýǵa ese jiberdi – 2:6, 3:6. Al, Denıs Evseev japonııalyq Kaıchı Ýchıdadan utylyp qaldy – 6.7 (5:7), 6:3, 4:6. D. Evseev juptyq synda da jarys jolyn aıaqtady.

Eske sala keteıik, budan buryn qazaqstandyq tennısshiniń Shymkent týrnıriniń ekinshi aınalymyna shyqqanyn, Tımofeı Skatovtyń Rolan Garros jarysynda utylyp qalǵanyn jazǵan bolatynbyz.


Jańalyqtar

MURAǴAT