Qazaqstandyq tennısshi Serbııadaǵy týrnırdiń fınalyna shyqty
2022 jylǵy 24 maýsym 21:48

Qazaqstandyq tennısshi Serbııadaǵy týrnırdiń fınalyna shyqty

NUR-SULTAN. QazAqparat - Qazaqstandyq Jibek Qulambaeva juptyq synda Serbııadaǵy Prokýple ITF W25 týrnıriniń fınalyna shyqty, dep habarlaıdy QazAqparat tilshisi.

Osy jarystyń birinshi raketkalary bolyp tirkelgen J.Qulambaeva men úndistandyq Prathan Thombare jartylaı fınalda rýmynııalyq Ilone-Georgıana Gıoraıe - ıtalııalyq Angelına Moratellımen sheberlik baıqasty.

Qazaqstandyq-úndistandyq jup 6:1, 6:4 esebimen jeńiske jetti.

Endi olar fınalda ıspanııalyq Leıre Romero-Gormaz - horvatııalyq Tara Vıýrtpen bas júldeni sarapqa salady.

Taǵy bir qazaqstandyq Gózal Aınıtdınova úndistandyq Zıl Desaımen birge juptyq synda Úndistanda jartylaı fınalda japonııalyqtar Momoko Roborı - Mısakı Matsýdadan utylyp qaldy - 2:6, 4:6.

Erler arasynda Grıgorıı Lomakın juptyq synda ýkraınalyq Vladıslav Manafovpen birge Mılan chellendjer jarysynyń fınalyna shyǵa almady. Olar jartylaı fınalda ıtalııalyq Lýsıano Darderı - brazılııalyq Fernando Rombolıge ese jiberdi - 2:6, 6:7 (4:7).

Eske sala keteıik, budan buryn álemniń birinshi raketkasy Danııl Medvedevtiń Astana Open týrnırinde oınaıtynyn jazǵan bolatynbyz.

Sondaı-aq qazaqstandyq tennısshi Mılandaǵy týrnırdiń jartylaı fınalyna shyqty.


Uqsas jańalyqtar

Jańalyqtar

Úrdis

MURAǴAT