Qazaqstandyq tennısshi Marokkodaǵy jarysty sátti bastady
2022 jylǵy 14 mamyr 20:46

Qazaqstandyq tennısshi Marokkodaǵy jarysty sátti bastady

NUR-SULTAN. QazAqparat - Qazaqstandyq Anna Danılına Rabat (Marokko) WTA jarysynyń irikteý saıysyn sátti bastady, dep habarlaıdy QazAqparat tilshisi.

Qazaqstandyq tennısshi irikteý saıystarynyń jartylaı fınalynda japonııalyq Ena Shıbaharamen sheberlik baıqasty.

Anna Danılına qarsylasyn 6:2, 6:3 esebimen tize búktirdi.

Saǵat jarymǵa jýyq ýaqytqa sozylǵan matchta qazaqstandyq tennısshi 15 breık-poınttyń altaýyn paıdalandy. E.Shıbahara 2 eıs, 2 breıkpen kózge tústi.

A.Danılına irikteý saıystarynyń fınalynda reseılik Ekaterına Reıngold nemese Býrýndı ókili Sada Nahımananyń bireýimen kezdesedi. Ony jeńse, negizgi jarysqa joldama alady.

Eske sala keteıik, budan buryn Andreı Golýbevtiń Rım masters týrnıriniń jartylaı fınalyna shyqqanyn jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT