Qazaqstandyq tennısshi Frantsııadaǵy týrnırdiń shırek fınalyna shyqty

NUR-SULTAN. QazAqparat – Qazaqstandyq Aleksandr Nedovesov Lıon (Frantsııa) ATP 250 týrnıriniń juptyq synynda shırek fınalǵa shyqty, dep habarlaıdy QazAqparat tilshisi.

Qazaqstandyq tennısshi pákistandyq Aısam-ýl-Hak Kýreshımen birge bastapqy kezdesýin frantsııalyqtar ıÝgo Blanshe – Albano Olıvettımen ótkizdi.

Tartysty ótken matchta qazaqstandyq-pákistandyq jup 7:6 (7:5), 7:6 (7:5) esebimen jeńiske jetti.

Bir saǵat 45 mınýtqa sozylǵan báseke barysynda Nedovesov pen Kýreshı 7 eıs jasap, 7 breık-poınttyń bireýin paıdalandy.

Qazaqstan-Pákistan juby jartylaı fınalǵa shyǵý úshin osy dodanyń 3-raketkalary, belgııalyqtar Sander Jılle – Ioran Flıgenmen talasady.

Parıjde ótip jatqan Rolan Garros týrnıriniń irikteý saıystarynda Dmıtrıı Popko men Zarına Dııas jarys jolynan shyǵyp qaldy. D.Popko argentınalyq Hýan Ignasıo Londerodan 4:6, 4:6 esebimen utyldy. Al Z.Dııas reseılik Anastasııa Gasanovaǵa ese jiberdi – 3:6, 4:6.

Taǵy bir qazaqstandyq Anna Danılına Rabat (Marokko) WTA 250 týrnıriniń alǵashqy aınalymynda álemniń 10-raketkasy, ıspanııalyq Garbıne Mýgýrýsaǵa jol berdi – 3:6, 2:6.

Eske sala keteıik, budan buryn Andreı Golýbevtiń álemdik reıtıngide rekordtyq nátıjege qol jetkizgenin, Tımofeı Skatovtyń Rolan Garros týrnıriniń irikteý saıysyn jeńispen bastaǵanyn jazǵan bolatynbyz.