+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qazaqstandyq tankıster «Tank bıatlony» konkýrsynda úshinshi oryn aldy

2021 jylǵy 5 qyrkúıek 15:59
Bólisińiz:
Qazaqstandyq tankıster «Tank bıatlony» konkýrsynda úshinshi oryn aldy

NUR- SULTAN. QazAqparat - Máskeý mańyndaǵy «Alabıno» polıgonynda Armııa halyqaralyq oıyndarynyń «Tank bıatlony» konkýrsy aıaqtaldy. El áskeriniń namysyn qorǵaǵan komanda úshinshi oryn ıelendi, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Uqsas jańalyqtar
Temirtaýda Ulttyq ulan sarbazy ózine oq atyp kóz jumdy

Aqtyq jarys aınalymyna Ázerbaıjannyń, Qazaqstannyń, Qytaı men Reseıdiń tank ekıpajdary shyqty.

Qazaqstandyq tankıster barlyq atys shebin dál kózdep, oq atýdan sheberlikterin kórsetti. Úsh atys shebinen basqa jańbyr sýynan laılanǵan trassadaǵy on bir kedergi saıysty qıyndatty.

Aınalym barysyna reseılik tankıster birden alǵa ozyp shyqty, olardyń sońynan sál aıyrmashylyqpen Qytaı tank ekıpajdary jetti. Júldeli oryn úshin tartys Qazaqstan men Ázerbaıjan arasynda órbidi.

Aqtyq syn aınalymyndaǵy nátıjelerge kelsek, birinshi bolyp márege jetken – reseılikter, ekinshi – Qytaı komandasy.

– Ekıpajdar jattyqtyrýshylardan naqty tapsyrma alyp, ony oryndaýǵa tyrysty. Nátıjesinde úshinshi oryn aldyq. Qorǵanys vedomstvosy basshylyǵynyń, jattyqtyrýshylardyń jáne bizdiń áskerı bólimder basshylyqtarynyń qoldaýyna alǵysymyz zor, – dedi ekıpaj komandıri aǵa leıtenant Seıitjan Qobylanuly.

Aqtyq saıystan keıin «Patrıot» parkinde jeńimpazdar men júldegerlerdi marapattaý rásimi ótti.

Bıyl «Tank bıatlonyna» Ázerbaıjan, Abhazııa, Belarýs, Venesýela, Vetnam, Katar, Qazaqstan, Qyrǵyzstan, Qytaı, Tájikstan, Mońǵolııa, Reseı, Serbııa, Laos, Malı, Ońtústik Osetııa, Sırııa, Ózbekstan jáne Mıanma elderinen 19 komanda qatysty.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT