+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Qazaqstandyq stýdentter WorldSkills boıynsha Eýrazııa chempıonatynda 7 medal aldy

2021 jylǵy 27 shilde 10:21
Bólisińiz:
Qazaqstandyq stýdentter WorldSkills boıynsha Eýrazııa chempıonatynda 7 medal aldy

NUR-SULTAN: QazAqparat - WorldSkills standarttary boıynsha ótken Eýrazııa chempıonatynda Qazaqstannyń ulttyq quramasy jeti medalǵa ıe boldy. Qazaqstan kolledjderiniń úzdik stýdentterinen jasaqtalǵan komanda 2 kúmis, 5 qola medal aldy.

Uqsas jańalyqtar
«100 jańa oqýlyq» jobasy qazaq tilinde damı qoımaǵan jańa salalardy ashty Qarqaralyda stýdentter úshin 100 oryndyq jataqhana salyndy Almaty ustazdary «Digital Ustaz Almaty» konkýrsy aıasynda bilim alýda

Bul týraly QazAqparat QR Bilim jáne ǵylym mınıstrliginiń baspasóz qyzmetine silteme jasap habarlaıdy.

WorldSkills standarttary boıynsha Eýrazııalyq chempıonat 7 maýsym men 23 shilde aralyǵynda onlaın formatta ótti. Qazaqstandyq stýdentter Reseı, Qytaı, Úndistan, Iran, Armenııa, Belarýs, Ózbekstan, Qyrǵyzstan jáne Tájikstannan kelgen qurdastarymen básekege tústi.

«Bıyl Eýrazııalyq chempıonatty uıymdastyrýǵa qatysýshy elderdiń barlyǵy at salysty. Olar alańdar jasaqtap, qatysýshylarǵa qajetti qural-jabdyqtardy usyndy. Eýrazııa chempıonatynyń maqsaty – kadrlardy daıarlaýda ulttyq júıelerdi odan ári keńeıtý úshin jańa daǵdylar men tájirıbe almasý»,– dep atap ótti QR Bilim jáne ǵylym mınıstrligi Tehnıkalyq jáne kásiptik bilim departamentiniń dırektory Nasymjan Ospanova.

Ulttyq qurama Eýrazııa chempıonatyna 9 quzyrettilik boıynsha qatysty. Nátıjesinde qazaqstandyq stýdentter «Elektromontajdaý jumystary», «Grafıkalyq dızaın», «Shashtaraz óneri», «Sylaý jáne dekoratıvtik jumystar», «Bızneske arnalǵan baǵdarlamalyq sheshimder», «Kondıterlik is» jáne «Sán tehnologııalary» syndy 7 baǵyt boıynsha júldeli oryndarǵa ıe boldy.

Ulttyq quramanyń Eýrazııa chempıonatyna qatysýy WorldSkills halyqaralyq qozǵalysyn damytý jáne ilgeriletý boıynsha tájirıbe almasýǵa yqpal etedi. Sondaı-aq kadrlardy daıarlaýdaǵy álemdik trendterdi zerdeleýge, otandyq tehnıkalyq jáne kásiptik bilim berý júıesiniń básekege qabilettiligin artyrýǵa múmkindik beredi.

Aıta keteıik, WorldSkills halyqaralyq qozǵalysynyń maqsaty – jumysshy mamandyqtardy dáripteý jáne kadrlardy kásibı daıarlaýdyń standarttaryn arttyrý. Qazaqstan WorldSkills qozǵalysyna 2014 jyly qosyldy. Sodan beri ulttyq qurama halyqaralyq jarystarǵa belsene qatysyp jatyr. Jeti jyl ishinde Qazaqstan 50-shi orynnan 14-shi orynǵa kóterilip, halyqaralyq reıtıngtegi ornyn nyǵaıtty.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT