+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Qazaqstandyq stýdent Ilon Masktyń baıqaýynda úzdikter qatarynan kórindi

2020 jylǵy 25 qańtar 23:05
Bólisińiz:
Qazaqstandyq stýdent Ilon Masktyń baıqaýynda úzdikter qatarynan kórindi

NUR-SULTAN. QazAqparat – Ulybrıtanııadaǵy Ýorık ýnıversıtetiniń stýdenti Sanjar Taıjan - zamandastarymen birge amerıkandyq mıllıarder Ilon Masktyń Haıperlýp (Hyperloop) baıqaýynda úzdikterdiń qatarynan tabyldy. Bul týraly QazAqparat «Habar 24» agenttigine silteme jasap habarlaıdy.

Uqsas jańalyqtar
Ilon Masktiń Marsqa ushatyn zymyrany synaq kezinde jarylyp ketti

Sanjar Taıjan álemniń ozyq oqý oryndarynyń biri Ýorık ýnıversıtetiniń 50 úzdik stýdenti. Qazaqstandyq stýdent keleshektiń kóligin oılap tabý úshin komanda jasaqtaǵan. Seriktesteri qatarynda bolashaq ınjener, fızık jáne bıznesmender bar. Týǵan elderiniń geografııasy da árqıly: Anglııa, Ispanııa, Indııa, Avstrııa, Ońtústik Koreıa jáne basqa da memleketter.

«Sanjardyń jaýapkershiliginiń júgi óte aýyr. Ártúrli fakýltetterde bilim alyp, oqý kestesi árqıly bolǵanyna qaramastan óte kóp adamnyń basyn qosa bildi. Ol sondaı-aq bıznes pen ındýstrııa úshin ne kerek ekendigin jaqsy biledi. Ol komanda úshin óte kóp nárse jasady», - deıdi Warwick Hyperloop jobasynyń qatysýshysy /Ońtústik Koreıa/ Hıansog Lı.

Sanjardyń komandasy energııa únemdegish qabilettiligi jáne jyldamdyǵy óte joǵary kapsýla jasap jatyr. Onyń kómegimen jolaýshylar men júkterdi dybys jyldamdyǵymen qubyr jelisi arqyly tasymaldaýǵa múmkin týmaq.

Komanda jobalaǵan kapsýla magnıtti óriske negizdeledi. Ol áıgili Ilon Maskke tıesili aeroǵaryshtyq kompanııada synaqtan ótetin bolady. Sanjardyń jobasy SpaceX Haperloop Pod Competition týrnırine joldama alǵan 1600 qatysýshynyń arasynan úzdik 35 komanda qatarynan tabylyp otyr.

«Bizdiń ýnıversıtette birneshe stýdenttik joba bar. Biraq bul ǵalamdyq joba bolǵandyqtan stýdentterdiń nazaryn erekshe aýdaryp otyr. Keleshekte ol jeńiske jetedi degen úmittemiz. Sanjardyń jáne onyń komandasynyń álemdegi kil myqtynyń biri bolatyndyǵyna senemiz», - deıdi WMG energetıkalyq ınnovatsııalyq ortalyqtyń bas ınjeneri Mark Amor-Segan.

Ótken jyly Sanjardyń batareıalardyń tozýyn boljaý boıynsha jeke jobasy Anglııadaǵy bakalavr stýdentter arasynda úzdik ınnovatsııa retinde tanylǵan. Ótken jazda Sanjar Jaguar Land Rover-de taǵylymdamadan ótip, jumysqa shaqyrý aldy. Biraq ol jeke startap jobasymen aınalysýy múmkin. Sondaı-aq qazaqstandyq Ilon Mask óz bolashaǵyn týǵan jerimen baılanystyrady.

«Iıa, Qazaqstanmen baılanystyramyn. Biraq aldaǵy 10 jylda ózimdi tehnıkalyq turǵyda shyńdap, jobalarymdy damytqym keledi. Meniń bolashaǵym elde ekendigine úmitim zor. Ol jaqta otbasymmen turǵym keledi. Óıtkeni boıymda qazaqtyń qany bar jáne áldebir jobany qolǵa alǵan kezimde Qazaqstanǵa paıdam tıse eken dep oılaımyn», - deıdi Warwick Hyperloop jobasynyń jetekshisi Sanjar Taıjan.

Sanjar keleshekte Uly jibek jolymen júk tasymaldaý isine ózindik úlesin qosqysy keledi. Innovatsııalyq jobasyn júzege asyrý úshin halyqaralyq memleketterdi tartý onyń basty armany.


Bizdiń kanalymyzǵa jazylyńyz:

Basty sózder: Eýropa, Bilim,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT