Qazaqstandyq sportshylar paradzıýdodan Gran-prı jarysynda jeńiske jetti
2022 jylǵy 4 shilde 21:09

Qazaqstandyq sportshylar paradzıýdodan Gran-prı jarysynda jeńiske jetti

NUR-SULTAN. QazAqparat – Qazaqstandyq sportshylar paradzıýdodan Brazılııanyń San-Paýlý qalasynda paradzıýdodan ótken Gran-prı týrnırinde jeńis tuǵyrynan kórindi, dep habarlaıdy QazAqparat tilshisi.

Atalmysh dodaǵa álemniń 13 elinen toqsandaı paradzıýdoshy qatysyp, baq synady. Bul bıyl Ázerbaıjan astanasy Bakýde ótetin álem birinshiligi aldyndaǵy aıtýly jarys edi.

Gran-prı týrnırinde Qazaqstan namysyn 10 sportshy qorǵasa, sonyń 7-eýi júldege ilikti.

Atap aıtqanda, Aqmaral Naýatbek (-48 kg J2) pen Daıana Fedosova (-57 kg J2) top jaryp, chempıon atansa, Baýyrjan Arystanbekov (-90 kg J1) kúmis júldege ıe boldy. Sondaı-aq Azamat Nókishev (-73 kg J2), Erǵalı Shameı (-73 kg J1), Janbota Amanjol (-90 kg J2) jáne Talǵat Ájiǵalıev (+90 kg J2) qola medaldi jeńip aldy.

BQO dene shynyqtyrý jáne sport basqarmasynyń basshysy Qaımen Esendııarovtyń aıtýynsha, bul Gran-prıdiń ereksheligi, onda Parıj-2024 paralımpıadasyna lıtsenzııa úshin upaı úlestirildi. Mine, osyndaı bási joǵary jarysta asa aýyr salmaqta kúresken batysqazaqstandyq T.Ájiǵalıev qola júlde úshin básekede brazılııalyq qarsylasyn jambasqa salyp, taza jeńdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT