+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Qazaqstandyq senatorlar TMD PA-nyń plenarlyq otyrysyna qatysty

2021 jylǵy 16 sáýir 19:43
Bólisińiz:
Qazaqstandyq senatorlar TMD PA-nyń plenarlyq otyrysyna qatysty

SANKT-PETERBÝRG. QazAqparat - Senat Tóraǵasy Máýlen Áshimbaev bastaǵan qazaqstandyq delegatsııa Reseıdiń Sankt-Peterbýrg qalasynda ótken TMD Parlamenttik Assambleıasynyń 52-plenarlyq otyrysyna qatysty, dep habarlaıdy QazAqparat.

Uqsas jańalyqtar
Búgin – Jeńis kúni Máýlen Áshimbaev: Qazaqstan áskeri indetpen kúres kezinde de antqa adaldyǵyn kórsetti

Іs-shara barysynda pandemııa kezeńinde kóshi-qon protsesterin zańmen retteý máselesi jáne osy baǵytta TMD elderi Parlamentteriniń róli keńinen talqylandy.

Otyrysta sóz sóılegen Máýlen Áshimbaev koronavırýs indetiniń kóshi-qon protsesterine tıgizgen áserine toqtalyp, Qazaqstan bul saladaǵy problemalardy sheshý úshin qandaı sharalar qabyldaǵanyna nazar aýdardy.

Ol COVID-19 pandemııasyna tosqaýyl qoıý úshin qolǵa alynǵan jahandyq sharalar halyqaralyq kóshi-qondy aıtarlyqtaı shektegenin tilge tıek etti. Sonyń saldarynan kóptegen elder kúrdeli máselemen betpe bet kelip, ony sheshý joldaryn qarastyrýǵa májbúr boldy. Bir jaǵynan, halyqty qorǵap, indettiń taralýyn boldyrmaý úshin azamattardyń qozǵalysyna shuǵyl jáne túbegeıli shekteýler qoı qajet boldy. Ekinshi jaǵynan, alda osyndaı sharalardyń ekonomıkalyq zardabyn azaıtý mindeti turdy.

«Qazaqstan COVID-19 indetiniń taralýyna tosqaýyl qoıý úshin jalpy qabyldanǵan tásilderge súıene otyryp, qazaqstandyqtardyń, sheteldikterdiń jáne azamattyǵy joq tulǵalardyń memlekettik shekaradan ótýlerine baılanysty birqatar shekteýlerdi qolǵa aldy. Shetel azamattaryna túsinistik tanytyp, bizdiń aýmaqtaǵy sheteldikterdi elde bolý merzimin buzǵany jáne ýaqytynda Qazaqstannan shyqpaǵany úshin ákimshilik jaýapkershilikten bosatý jóninde sharalar qabyldandy. TMD-daǵy seriktesterimiz – Reseı, Ózbekstan, Tájikstan, Qyrǵyzstan jáne Kóshi-qon jónindegi halyqaralyq uıymmen birlesip áreket etýdiń nátıjesinde bizdiń elimiz arqyly 35 myńǵa jýyq shetel azamaty tranzıtti túrde ótkizildi», – dedi Máýlen Áshimbaev.

Ol Qazaqstannyń daǵdarysqa qarsy qabyldaǵan sharalary týraly aıtty. Ol mundaı kezde kelisip áreket etý pandemııanyń áleýmettik jáne ekonomıkalyq saldaryn tómendetetinine erekshe nazar aýdaryp, áriptesterin budan da tyǵyz baılanys ornatýǵa jáne jańa syn-qaterlerge birge qarsy turýǵa shaqyrdy.

Plenarlyq otyrys kezinde qatysýshylar TMD-ǵa múshe memleketterge arnalǵan birqatar modeldik zańdardy da qarady.

Sondaı-aq, osy kúni Máýlen Áshimbaev Qyrǵyz Respýblıkasy Jogorký Keneshiniń Tóraǵasy Talant Mamytovpen kezdesti. Taraptar ekijaqty kún tártibindegi ózekti máselelerdi jáne parlamentaralyq yntymaqtastyqtyń perspektıvalaryn talqylady.

«Jyl ótken saıyn bizdiń elderimizdiń baılanysy qarqyndy damyp keledi. Bul rette Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń eren eńbegin erekshe atap ótken jón. Elbasy baýyrlastyqqa jáne tatý kórshilikke negizdelgen qarym-qatynasymyzdy nyǵaıtýǵa jáne damytýǵa úlken úles qosty. Búginde Memleket basshysy Qasym-Jomart Toqaev Qyrǵyzstanmen yntymaqtastyqty odan ári arttyrýǵa basa mán berip keledi. Biz elderimiz arasyndaǵy baılanystyń barlyq salada, onyń ishinde parlamentaralyq baǵytta da keńeıe túskenine múddelimiz», – dedi Senat Spıkeri.

Sonymen qatar Máýlen Áshimbaev Moldova Respýblıkasy Parlamentiniń Tóraıymy Zınaıda Grechanyımen kezdesti. Kezdesý barysynda ekijaqty kún tártibindegi ózekti máseleler sóz boldy. Odan bólek, taraptar parlamentaralyq yntymaqtastyqty, ekonomıkalyq seriktestikti jáne mádenı-gýmanıtarlyq baılanystardy nyǵaıtý máselelerin talqylady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT