+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstandyq selektsıonerler dándi-daqyldardyń jańa surpyn ázirleýde

2021 jylǵy 16 maýsym 12:50
Bólisińiz:
Qazaqstandyq selektsıonerler dándi-daqyldardyń jańa surpyn ázirleýde

KÓKShETAÝ. QazAqparat - A.Baraev atyndaǵy astyq sharýashylyǵy ǵylymı-óndiristik ortalyǵynyń mamandary bıdaı jáne ózge de aýyl sharýashylyǵy dándi-daqyldarynyń jańa surpyn ázirleý ústinde.

Uqsas jańalyqtar
Jańa Qaýly: Aqmola oblysynda qandaı nysandardyń jumysyna tyıym salyndy Memleket shalǵyn kóbelekpen kúreske jumsalǵan shyǵynnyń 50 paıyzyn óteıdi - QR AShM Qazaqstan men Germanııa arasynda klımattyń aýyl sharýashylyǵyna áseri talqylandy

Onyń ishinde «Asyl sapa» jáne «Taımas» ataýly bıdaıdyń jańa túrleri bar. Bul týraly atalǵan ortalyqtyń bólim meńgerýshisi Ádilhan Bábkenov málim etti, dep habarlaıdy QazAqparat tilshisi.

«Bizdiń A.Baraev atyndaǵy astyq sharýashylyǵy ǵylymı-óndiristik ortalyǵy bıdaıdyń jańa sorttaryn jasaý, olardy kóbeıtý jáne óndiriske engizý boıynsha 65 jyl jumys istep keledi. Osy ýaqyt aralyǵynda dándi daqyldardyń kóptegen túrlerin ázirlep shyǵardy. Sońǵy jyldary selektsıonerlerimiz bıdaıdyń jańa sorttary – «Asyl sapa» jáne «Taımas» boıynsha jumys istep keledi», - deıdi Ádilhan Bábkenov.

Selıktsıonerdiń aıtýynsha, bıdaıdyń bul sorttaryn Aqmola alqaptaryna 2-3 jyldan keıin egýge bolady. «Taımas» jańa sorttary 90-95 kúnde pisedi. Onyń ónimdiligi joǵary ári qurǵaqshylyq pen aýrýlarǵa da tózimdi. Qazirgi kezde sort tek ázirlenip, synaqtan ótýde. Atalmysh bıdaı sortyn ázirleý úshin shamamen 15 jyl ýaqyt ketetin kórinedi.

«Jańa sort býdandastyrylǵan ýaqyttan bastap óndirýge deıin shamamen 15 jyldy qajet etedi. Biraq bıotehnologııa men gendik ınjenerııanyń zamanaýı ádisteriniń arqasynda biz bul merzimdi 7-8 jylǵa deıin qysqartqymyz keledi», – dep tolyqtyrdy Ádilhan Bábkenov

Aıta ketsek, jańa sort «Shortandy-14» jáne «Shortandy-2012» sıpattamalary boıynsha tómen bolmaıdy. «Shortandy-2012» sııaqty jańa sorttar, ortasha erte pisetin túri. Eń joǵary ónimdilik qolaıly jyldary gektarynan 33 tsentnerdi quraıdy. Bıdaıdyń bul jańa suryptary buzylmaıdy jáne uzaq saqtalatyndyǵymen erekshelenedi. Sondyqtan da aýyl sharýashylyǵy salasynda keńinen tanymal.

Eske sala ketsek, Aqmola oblysynyń Shortandy kentindegi A.Baraev atyndaǵy astyq sharýashylyǵy ǵylymı-óndiristik ortalyǵynyń sorttary 2,6 mıllıon gektar egis alqaptaryna egilgen. Sonymen birge, atalǵan ortalyqtyń núktelik eginshilik jobasyn júzege asyryp jatyr.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT