Qazaqstandyq oıynshy «Aqjaıyqtan» «Qyzyljarǵa» aýysty
ASTANA. QazAqparat – Qazaqstandyq jartylaı qorǵaýshy Ardaq Sáýlet «Aqjaıyqtan» «Qyzyljarǵa» aýysty, dep habarlaıdy QazAqparat tilshisi.
«Qyzyljar» fýtbol klýbynyń baspasóz qyzmetinen málim etkenindeı, jańa oıynshymen eńbek shartyna qol qoıyldy.
Astana fýtbolynyń túlegi A.Sáýlet sońǵy jyldary Oraldyń «Aqjaıyq» klýbynda oınap, 31 matchta 2 nátıjeli pas berdi.
Qazaqstan premer-lıgasynda barlyǵy 67 kezdesý ótkizip, 3 gol men 3 nátıjeli pastyń avtory atandy.
Ardaq Sáýlet quramynda bolǵan «Aqjaıyq» ótken jyly Qazaqstan chempıonatynda sońǵy oryn alyp, birinshi lıgaǵa túsip qalǵan edi.
Qazirgi kezde petropavldyq klýb Túrkııada oqý-jattyǵý jıynyn ótkizýde.
Eske sala keteıik, budan buryn bıznesmenniń Messı men Ronaldýdyń qatysýymen ótetin matchqa 2,5 mln eýroǵa bılet satyp alǵanyn jazǵan edik.
Foto: «Qyzyljar» fýtbol klýby.
