+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Qazaqstandyq ónertapqysh balanyń densaýlyǵyn baqylaıtyn smart-bilezik oılap tapty

2020 jylǵy 19 tamyz 00:29
Bólisińiz:
Qazaqstandyq ónertapqysh balanyń densaýlyǵyn baqylaıtyn smart-bilezik oılap tapty

TARAZ. QazAqparat – Taraz qalasyndaǵy Nazarbaev Zııatkerlik mektebiniń túlegi Qazaqstandaǵy alǵashqy balalar smart-bileziginiń avtory atandy, dep habarlaıdy QazAqparat tilshisi.

Tarazdyq Móldir Aıjaryq óziniń ónertabysyn «Your friend» degen ataý berdi. Ol ımpýlsti, temperatýrany, sondaı-aq balanyń geolokatsııasyn qadaǵalaı alady jáne bul týraly ata-anaǵa habarlama jiberedi.

«Men bul bıznes-jobany 11-synyptan bastap jetekshim Álııa Jýsanbaevanyń kómegimen ekonomıka sabaǵynda jasaı bastadym. Qoǵamnyń problemalaryn zertteı otyryp, kóptegen ata-analar balasynyń densaýlyǵyna jetkilikti ýaqyt bóle almaıtyndyǵyn baıqadym, óıtkeni olar kóp ýaqytyn jumysta ótkizedi. Osy oraıda maǵan balalardyń densaýlyǵyn baqylaıtyn jáne ata-anasyna málimet jibere alatyn smart-bilezik jasaý ıdeıasy keldi, – deıdi Móldir.

Móldir Aıjaryq «ZhasCamp Accelerator» áleýmettik jobalardy damytý baǵdarlamasynyń túlegi. Osy baǵdarlamanyń arqasynda oqýshy qyz ózine tálimger tapty. Ol – qazaqstandyq ǵalym jáne «Technologies Lab» bas dırektory Tımýr Ryspekov. Mentordyń jetekshiligimen Móldir kod jazyp, qurylǵynyń jumys prototıpin jasap shyqqan.

Alaıda, jaqynda «Apple» kompanııasy dál osyndaı múmkindikteri bar aqyldy saǵattardyń jańartylǵan nusqasyn usyndy. Sodan keıin komanda óz aldyna ónimdi básekege qabiletti etý mindetin qoıdy. Olar bilezikke gazdyń aǵyp ketýine jaýap beretin sensor men kórý qabileti nashar balalarǵa arnalǵan zattar sensoryn qosty. Sondaı-aq, Móldir oılap tapqan qurylǵy paıdalanýshy sensorlardy óz qajettiligine saı aýystyra alatyndyǵymen erekshelenedi. Ázirge tek óndiris pen jobany odan ári damytý úshin ınvestıtsııalar tartý ǵana qalyp otyr.

Joba 3 jastan 8 jasqa deıingi balalarǵa arnalǵan. Avtordyń aıtýynsha, olar osy jasta osal jáne kóbinese ata-anasynyń qaraýynsyz qalady. Endi Móldir maqsatty aýdıtorııany keńeıtip, múmkindigi shekteýli jandardy da qamtýdy josparlaýda.

Qazir jas ónertapqysh bıznes-jospar boıynsha belsendi jumys isteýde, al ýnıversıtetke túskennen keıin ártúrli mamandyq stýdentterinen jobalyq top qurǵysy keledi.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT