Qazaqstandyq «Mystan» serıaly Berlın festıvalinde úzdik drama atandy
2021 jylǵy 16 jeltoqsan 02:52

Qazaqstandyq «Mystan» serıaly Berlın festıvalinde úzdik drama atandy

NUR-SULTAN. QazAqparat - Qazaqstandyq serıal Webfest Berlin kınofestıvalinde júldeger atandy, dep habarlaıdy QazAqparat.

Bul jaıynda Salem Social Media kompanııasy shyǵarǵan «Mystan» telehıkaıasynyń atqarýshy prodıýseri Anna Darmodehına málim etti.

«Bizdiń týyndy qatysqan úshinshi festıvalde de jeńiske jetti. «Mystan» teleserıaly Webfest Berlin festıvalinde «Úzdik drama» atalymyn jeńip aldy» dep jazdy Anna Darmodehına Facebook paraqshasynda.

Aıta keteıik, «Mystan» vebserıalynyń tusaýy bıylǵy 24 maýsymda kesilgen bolatyn.

Telehıkaıa er adamdar tarapynan zorlyq-zombylyqqa ushyraǵan úsh áıeldiń taǵdyry jaıly baıandaıdy. Olar qoǵamda áıel quqyǵy taptalyp jatqanyna shydamaı, kúresýge bel býady.

Alǵashqyda qyzdar ózderin renjitken jandardy zań aıasynda jazalamaq bolady. Degenmen, maqsatqa jetý kóp kúsh pen ýaqytty talap etetinin túsinip, oıyndaǵyny iske asyrýdyń basqa jolyn tańdaıdy.

Qastandyq jasaǵandardy birtindep ustap, ózderi jazalaıdy. Olardyń oıynsha, ádildik ornatýdyń tek bir ǵana joly bar, ol - kek alý.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT