+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Qazaqstandyq qutqarýshylar Reseıdegi «jer silkinisiniń» saldaryn joıýda

2021 jylǵy 13 mamyr 16:43
Bólisińiz:
Qazaqstandyq qutqarýshylar Reseıdegi «jer silkinisiniń» saldaryn joıýda

NUR-SULTAN. QazAqparat – Qazaqstan qutqarýshylary Reseıdiń Dolın qalasyndaǵy jer silkinisiniń saldaryn joıýǵa arnalǵan jattyǵý jıynyna qatysyp jatyr, dep habarlaıdy QazAqparat tilshisi.

Uqsas jańalyqtar

Tótenshe jaǵdaılar mınıstrligi baspasóz qyzmetiniń habarlaýynsha, Reseıdiń Nogınsk qutqarý ortalyǵynyń aýmaǵynda TMD elderi arasynda «Joıqyn jer silkinisiniń saldaryn joıý» taqyrybynda oqý-jattyǵý ótip jatyr.

Jattyǵýdyń shartty stsenarııi boıynsha: Qıyr Shyǵys federaldy okrýginiń Sahalın oblysynda jer silkinisi tirkelgen. Apat oshaǵy – Dolın qalasyndaǵy turǵyn úıler men óndiristik nysandar, sonyń ishinde tyńaıtqysh óndiretin zaýyt qırap, órt oshaqtary paıda bolǵan. Qaza bolǵan adamdar da kóp. Qıraǵan ǵımarattardyń astynda júzdegen adam bolýy múmkin. Osyǵan oraı, Sahalın oblysynda tótenshe jaǵdaı rejımi engizildi.

Qazaqstannan jetken jedel-qutqarý jasaǵynyń 2 qutqarý toby men kınologtar Dolın qalasyndaǵy hımııa zaýytynda joǵarǵy qabattardan zardap shekkenderdi túsirip, úıindilerde avarııalyq-qutqarý jumystaryn atqardy.

«Avarııalyq-qutqarý jumystaryn júrgizý barysynda respýblıkalyq jedel-qutqarý jasaǵynyń qutqarýshylary úıindi astynan shartty túrde zardap shekkender men kóz jumǵan adamdardy shyǵaryp, medıtsına mamandaryna tapsyrdy.

Zardap shekkender men mert bolǵan adamdardy izdestirýde «Charlı» jáne «Radj» esimdi iz kesýshi ıtterdiń kómegi kóp tıdi. Oqý-jattyǵý jıyny kezinde qazaqstandyq qutqarýshylar TMD-daǵy áriptesterimen tájirıbe almasatyn bolady.

Jer silkinisteri shekaralas memleketerdiń aýmaǵyn qatar qamtıtyn kezder bolyp turady. Bul jattyǵýdyń mańyzdylyǵy kórshi elderdiń qutqarý qyzmetteriniń úılesimdi áreketin qalyptastyrýynda», - deıdi mınıstrliktiń resmı ókili Talǵat Ýálı.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT