Qazaqstandyq hırýrgtar alǵash ret mıdyń gematomasyn trepanatsııasyz alyp tastady

ALMATY. QazAqparat – Qazaqstanda alǵash ret mıdyń gematomasyn trepanatsııasyz alyp tastaý operatsııasy jasaldy, dep habarlaıdy QazAqparat tilshisi.

Biregeı operatsııa Almatydaǵy №7 qalalyq klınıkalyq aýrýhananyń qantamyr neı̆rohırýrgııa bóliminde gemorragııalyq tıpti ınsýltti emdeýde azınvazıvti Artemis(Penumbra) júı̆esin qoldana otyryp endoskopııalyq jolmen jáne BrainLab neı̆ronavıgatsııalyq júı̆eniń kómegimen jasaldy.

Neırohırýrg Qasteı Raýan Meıramulynyń aıtýynsha, mundaı ádis operatsııa kezinde kóp kólemde qan joǵaltýdy azaıtady.

«Bul operatsııanyń biregeıligi bastaǵy gematomany kúrdeli operatsııasyz, kishkene tesik arqyly alyp tastaýǵa bolady. ıAǵnı, aýqymdy bassúı̆ek trepanatsııasynsyz jasaýǵa múmkindik beredi. Bul atalǵan otanyń túrine kórsetkishter ár patsıentke jeke jáne qatań túrde qarastyrylady»,– deıdi Raýan Qasteı.

Sonymen qatar, ol mundaı operatsııalar Eýropa, AQSh, Italııa jáne Ispanııa elderinde jasalatynyn tilge tıek etti.

«Atalǵan operatsııa bizde alǵash ret sonaý postkeńistik kezinde jasalǵan bolatyn.Bul ádistiń tıimdiligin AQSh-ta dáleldendi. Arnaıy zertteýler bar. Búgingi kúni Almatyda Artemis(Penumbra) júı̆esin qoldana otyryp endoskopııalyq jolmen jáne BrainLab neı̆ronavıgatsııalyq júı̆eniń kómegimen eki ota jasaldy»,– dep qortyndylady №7 qalalyq klınıkalyq aýrýhananyń qantamyr neı̆rohırýrgııa bóliminiń meńgerýshisi Raýan Qasteı.