+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Qazaqstandyq ǵalym Ybyraıtanýdyń tulǵalyq model jobasyn daıyndady

2021 jylǵy 31 shilde 15:40
Bólisińiz:
Qazaqstandyq ǵalym Ybyraıtanýdyń tulǵalyq model jobasyn daıyndady

NUR-SULTAN. QazAqparat - Y. Altynsarın atyndaǵy Ulttyq bilim akademııasynda «Ybyraıtaný álemi – ulttyq qundylyǵymyz!» atty dóńgelek ústel ótti, dep habarlaıdy QazAqparat.

Uqsas jańalyqtar
Almaty ustazdary «Digital Ustaz Almaty» konkýrsy aıasynda bilim alýda «Táýelsizdik jetistikteri»: Pavlodar oblysynyń barlyq oqý oryndarynda ashyq sabaqtar ótti ShQO mektepterinde bolashaq ınjenerlerdi daıyndaıtyn bolady

Dóńgelek ústelge Táýelsizdik alǵannan beri Akademııada qyzmet etken qurmetti ardagerler, Y. Altynsarınniń ómiri men qyzmetin, shyǵarmashylyǵyn zertteýshi ǵalymdar, akademııanyń ǵalymdary men qyzmetkerleri, sarapshylar jınaldy. Sondaı-aq Akademııanyń táýelsizdik jyldaryndaǵy basshylary J. Dadebaev, Ó. Ozǵanbaev, Q. Arynov, A.Qusaıynov, T. Balyqbaev, J. Jylbaevta qatysty.

Dóńgelek ústeldiń maqsaty Y. Altynsarınniń eńbekterin jastarǵa, keıingi urpaqqa dáripteý joldaryn tujyrymdaý bolyp tabylady.

Osyǵan qaraı basqosýda pedagogıka ǵylymdarynyń doktory, professor Shargúl Taýbaeva Akademııamen birlesip tulǵataný aıasynda Ybyraıtanýdyń tulǵalyq model jobasyn jasaǵandyǵyn jetkizdi.

Professordyń oıynsha, Ybyraı Altynsarınniń pedagogıkalyq júıesiniń logıkalyq-qurylymdyq modeli mynadaı baǵyttardy quraıdy: 1) Altynsarıniń dúnıetanymy; 2) Ádistemelik kózqarasy; 3) Zerttegen ǵalymdar; 4) Mekteptegi oqytý úderisi; 5) Oqytýda halyq poezııasyn paıdalaný; 6) Mektepti uıymdastyrýy; 7) Tárbıelik murasy; 8) Psıhologııalyq murasy; 9) Dıdaktıkalyq murasy.

«XXI ǵasyrdaǵy mektep ustazdarynyń aldyndaǵy mindeti – egemendi elimizdiń jas urpaǵyn jan-jaqty damyta otyryp, ımandylyqqa, ultjandylyqqa, otanshyldyqqa tárbıeleý. Sondyqtan bul usynylǵan jobanyń tárbıelik máni zor bolmaq»,- dep atap ótti ǵalym Sh. Taýbaeva.

Qoǵam qaıratkeri Ó. Ozǵanbaev ár ulttyń aldymen óz qoınaýynan shyqqan tarıhpen sýsyndaıtyndyǵyn, bizdiń osy kezge deıingi ilim-bilim tutastyǵyn Ybyraıtaný muralary kele jatqandyǵyna kóńil aýdardy.

Bul rette Ó. Ozǵanbaev saıası qýǵyn-súrgin boıynsha ulttyq komıssııa qurylǵanyn atap óte otyra, HH ǵasyrdyń 30 jyldary repressııaǵa ushyrap qurban bolǵan ult pedagogtary tulǵasyna kóńil aýdardy.

Ult ustazy Ybyraı Altynsarınniń 180 jyldyǵyn merekeleý aıasynda belgili ybyraıtanýshy - ǵalym Jaqyp Qalqaman mektepterde jańa oqý jylyn «Kel, balalar, oqylyq!» taqyrybynda synyp saǵattarynan bastaýdy usyndy.

Óz kezeginde Akademııa ǵalymy Jaýmbaı Qaraev «Ybyraı Altynsarın murasy eki ǵasyr boıy ultty tárbıelep keletinin» atap ótti.

Aqyn, Halyqaralyq «Alash» ádebı syılyǵynyń laýreaty Ospanuly Serikbaı zertteýi boıynsha halyq kóńilinde júrgen «Eńbek etseń - emersiń» maqaly Y. Altynsarınge tıisti ekendigin aıtty.

Jıyn qorytyndysynda sarapshylar odan ári Ybyraı muralaryn álemdik deńgeıge tanytýǵa basymdyq beretindigine ýaǵdalasty.


Bizdiń kanalymyzǵa jazylyńyz:

#Bilim   #Qoǵam  
Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT