+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qazaqstandyq fýtbolshy Rýslan Valıýllın dopıng daýyna ushyrady

2021 jylǵy 9 qyrkúıek 15:18
Bólisińiz:
Qazaqstandyq fýtbolshy Rýslan Valıýllın dopıng daýyna ushyrady

NUR-SULTAN. QazAqparat – ÝEFA «Tobyl» fýtbol klýbynyń oıynshysy Rýslan Valıýllınge dopıngke qarsy erejeni buzdy degen aıyp taqty, dep habarlaıdy QazAqparat tilshisi.

Uqsas jańalyqtar
Fýtboldan Qazaqstan chempıonaty: Búgin  25-týr oıyndary bastalady UEFA Konferentsııa lıgasy: «Qaırat» syrt alańda Ázerbaıjan komandasymen kezdesedi Fýtbol: Qazaqstan quramasy Tájikstanmen joldastyq kezdesý ótkizedi

Otandyq fýtboldaǵy dopıng daýyna qatysty málimetti Qazaqstan fýtbol federatsııasy rastady.

«Rýslan Valıýllın ushyraǵan dopıng daýynyń Qazaqstan fýtbol quramasyna qatysy joq, ol «Tobyldyń» oıynshysy jáne oqıǵa Ýkraınamen oıynǵa deıin bolǵan. Odan ári qalaı bolatyny ázirge belgisiz, ÝEFA-nyń sheshimin kútemiz. Múmkin bir aı, múmkin odan da kóp», - dedi Qazaqstan fýtbol federatsııasy baspasóz qyzmetiniń jetekshisi Ermuhamed Máýlen.

Atalǵan máselege qatysty «Tobyl» fýtbol klýby da resmı túsinikteme berdi.

«Tobyl» fýtbol klýby Rýslan Valıýllınniń dopıngke qarsy erejelerdi buzý yqtımaldyǵyna baılanysty ÝEFA tarapynan tártiptik is qozǵalǵany týraly aqparat aldy. Búkil aqparat klýb ishindegi quzyretti mamandarǵa jetkizildi, qazirgi ýaqytta tyıym salynǵan zattardyń fýtbolshynyń qanyna qalaı engenin anyqtaý úshin ishki tekserý júrip jatyr», - delingen resmı aqparatta.

Habarlamada aıtylǵandaı, Rýslan Valıýllın men atalǵan klýbtyń taǵy bir fýtbolshysy Sergeı Malyıdan dopıng synamasy «Jılına» – «Tobyl» matchynan keıin alynǵan.

«Synaq nátıjesi fýtbolshynyń jeke poshtasyna 2 qyrkúıekte jiberildi. Ol ýaqytta fýtbolshy Qazaqstan quramasymen birge Fınlıandııaǵa attanǵan bolatyn. Búginde klýb osy isti muqııat zertteý maqsatynda Qazaqstan fýtbol federatsııasynyń zańdy organdarymen únemi baılanysta ekenin jetkizedi», - dep túıindelgen habarlama.

Eske sala ketsek, 1 qyrkúıekte fýtboldan 2022 jylǵy álem chempıonatyna irikteý satysynda elordada Qazaqstan quramasy Ýkraınany qabyldady.

Atalǵan synda qazaqstandyq jartylaı qorǵaýshy Rýslan Valıýllın erekshe oıyn kórsetip, 2 ret gol soqty.

Nátıjesinde kezdesý 2:2 esebimen teń aıaqtalǵan edi.


Bizdiń kanalymyzǵa jazylyńyz:

#Sport  
Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT