+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Qazaqstandyq fılm eki birdeı bedeldi kınofestıvalge qatysady

2020 jylǵy 28 qyrkúıek 01:01
Bólisińiz:
Qazaqstandyq fılm eki birdeı bedeldi kınofestıvalge qatysady

NUR-SULTAN. QazAqparat - Rejısser Farhat Sháripovtyń «18 kılogerts» atty fılmi eki birdeı bedeldi kınofestıvalge qatysady, dep habarlaıdy QazAqparat.

Qazaqstandyq rejısser Farhat Sháripov túsirgen «18 kılogerts» atty jańa kórkem fılmniń álemdik tusaýkeseri Ortalyq jáne Shyǵys Eýropanyń eń bedeldi festıvalderiniń biri – 36-shy Halyqaralyq Varshava kınofestıvaliniń (WFF) negizgi baıqaýy sheńberinde ótedi. Bul týraly kınotýyndynyń kreatıv jónindegi prodıýseri ıÝlııa Kım habarlady.

«18 kılogerts» - 90-jyldardyń sońyndaǵy jasóspirimderdiń ómirinen syr shertetin fılm.

«18 kılogerts – eresekter estimeıtin dybys jıiligi. Fılm jasóspirimder problemalaryna arnalǵan... Eseıe kele jyl saıyn jas býynnyń qıyndyqtaryn túsiný qıyndap bara jatyr. Ózimiz de jasóspirim boldyq, keı problemalar sheshilmeıtindeı bolyp kórinip edi. Tipti tyǵyryqtan shyǵatyn jol taba almaı, tula boıyńdy qorqynysh bılegen kezder de boldy. Bizdiń fılm sol kezderdi eske túsirý úshin arnaıy túsirildi», - dedi rejısser Farhat Sharıpov.

Fılmniń túsirilim jumystary Almaty qalasynda ótti. Basty rólderdi Musahan Jumahan, Álibek Ádiken, Kamıla Fýn-So esimdi jas debıýtant-akterler somdady.

Álemdegi eń bedeldi kıno baıqaýlardyń biri – Varshavadaǵy Halyqaralyq kınofestıvaldiń negizi 1985 jyly qalanǵan bolatyn. Halyqaralyq kınoprodıýserler qaýymdastyǵynyń federatsııasy sheshimimen 2009 jyly bul festıvalge «A» sanaty berilgen bolatyn.

Bıyl koronavırýs pandemııasyna qaramastan Varshava kınofestıvali 9-18 qazan aralyǵynda ádettegi dástúrli formatta ótedi.

Odan bólek, otandyq «18 kılogerts» fılmi Azııadaǵy eń iri festıvalderdiń biri – 21-30 qazanda ótetin 25-shi Halyqaralyq Pýsan kınofestıvaliniń (BIFF) konkýrstyq baǵdarlamasyna qatysady. Kınotýyndy «Azııa kınosyna tereze» (A Window on Asian Cinema) atty baǵdarlamasynda kórsetiledi.




Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT