Qazaqstandyq faıter Shavkat Rahmonov qarsylasyn jeńdi
2022 jylǵy 26 maýsym 10:33

Qazaqstandyq faıter Shavkat Rahmonov qarsylasyn jeńdi

NUR-SULTAN. QazAqparat - Qazaqstandyq faıter Shavkat Rahmonov (15-0) UFC-degi tórtinshi jekpe-jegin ótkizip, jeńiske jetti dep habarlaıdy QazAqparat.

Ol Las-Vegasta (AQSh) ótken UFC on ESPN 38 týrnırinde qarsylasy amerıkalyq jekpe-jek sheberi Nıl Megnıdi (26-8) jeńdi.




Jekpe-jek úsh raýndqa eseptelgen, alaıda Rahmonov qarsylasyna qarsy tunshyqtyrý ádisin sátti paıdalana bilgennen keıin aıqas ekinshi raýndta aıaqtaldy.

Osylaısha Shavkat Rahmonov kásibı mansabyndaǵy on altynshy jeńisine qol jetkizip, jeńilip kórmegen sportshy ataǵyn saqtap qaldy. Nıl Megnı toǵyzynshy ret jeńildi.

Buǵan deıin habarlanǵandaı, jeńilip kórmegen qazaqstandyq jekpe -jek sheberi Shavkat Rahmonov (15-0) alǵash ret jartylaı orta salmaqtaǵy UFC reıtınginiń top-15 qatarynda.


Seriktester jańalyqtary

Jańalyqtar

Úrdis

MURAǴAT