+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstandyq farmkompanııa táýiligine 300 myń dana medıtsınalyq maska daıyndaıdy

2020 jylǵy 7 shilde 19:47
Bólisińiz:
Qazaqstandyq farmkompanııa táýiligine 300 myń dana medıtsınalyq maska daıyndaıdy

ALMATY. QazAqparat – Pandemııa eldegi farmatsevtıka salasyna da áser etti. Olar qarantın kezinde úzdiksiz jumys istedi. Medıtsınalyq mekemelerdi jeke qorǵanys quraldarymen qamtamasyz etti. Solardyń qatarynda Qazaqstanǵa jáne shet elge tanymal «Dolce-Pharm» kompanııasy bar, dep habarlaıdy QazAqparat tilshisi.

Uqsas jańalyqtar
Koronavırýs: AQSh-ta 5 mln-nan astam adam naýqastanyp, Parıjde kóshede de maska taǵý mindetteledi Jambyldyq polıtseıler turǵyndarǵa 2 myń maskany tegin taratty Jandarbek Bekshın koronavırýstan jazylǵandarǵa da maska taǵyp júrýge keńes berdi

Óndiristik keshen Almaty oblysyna qarasty Yntymaq aýylynda ornalasqan, onda 450 adam jumys isteıdi. Zaýytta alty óndiris tsehy bar. Atap aıtsaq, sterıldengen jáne sterıldenbegen qolǵaptar óndiretin tseh, dári-dármekter shyǵaratyn (belsendirilgen kómir) tsehy, túrli maskalar daıyndaıtyn avtomattandyrylǵan tseh, tigin óndirisi jáne barlyq operatsııalarǵa arnalǵan jıyntyqtar shyǵaratyn tseh, zararsyzdandyrý tsehy jáne analızder jınaýǵa arnalǵan plastık óndiretin tseh.


«Qazir biz úsh aýysymda kúsheıtilgen rejımde jumys istep jatyrmyz. Pandemııa kezinde qosymsha jumys oryndaryn ashtyq. Naýryz aıynan beri 100 adam jumysqa qabyldandy. Nátıjesinde qazir bizde 450 jumysshy bar. Tótenshe jaǵdaı kezinde keńse qyzmetkerleriniń yńǵaılylyǵy men qaýipsizdigi úshin Almaty oblysynda tolyqqandy jumys isteýge jaǵdaı jasaldy – jatyn oryn, tamaq, kólik. Zaýytta sanıtarlyq-dezınfektsııalyq jumys rejımi qatań saqtalady. Bizde koronavırýs juqtyrǵandar joq. Tek baılanysta bolǵandar boldy, olar birden oqshaýlandy, - dedi «Dolce-Pharm» kompanııasynyń atqarýshy dırektory Sáýle Mákisheva.


Onyń aıtýynsha, qazir zaýyt jeke qorǵanys quraldaryn shyǵarady.

«Qazir bizde maskalar men kostıýmder jetkilikti. Qoımany toltyryp jatyrmyz. Qolǵaptarǵa qatysty kishkene problemalar bar, óıtkeni biz olardy Malaızııadan satyp alyp, zararsyzdandyryp, orap qaptaımyz. Pandemııa bastalǵaly beri maskalar men qolǵaptar búkil álem boıynsha shamamen 10 esege qymbattady. Sondyqtan endi biz memlekettik uıymdarǵa 2015 jyly bekitilgen eski baǵamen qolǵap bere almaımyz. Kelissózder júrgizilýde. Másele Úkimet deńgeıinde sheshilýde. Sondyqtan biz qosymsha kelisimge qol qoıylǵanǵa deıin qolǵap jetkizýdi toqtata turdyq», - dep túsindirdi ol.


Sondaı– aq, ol tótenshe jaǵdaı kezinde shıkizat jetkizýde túrli problemalar bolǵanyn atap ótti. Týyndaǵan másele mınıstrlikterdiń aralasýymen oń sheshimin tapqan.

«Buryn maskanyń kóterme baǵasy 19 teńgeden bolatyn, pandemııa kezinde baǵa kóterildi. Qazir 65-96 teńge aralyǵynda. Bul shıkizatqa baılanysty. Barlyq shıkizat jetkizýshileri suranystyń ósýine oraı baǵany kúrt kóterdi. Biz shıkizatty Qytaı, Reseı jáne Túrkııadan jetkizemiz», - dedi kásiporynnyń atqarýshy dırektory.

Onyń aıtýynsha, qazir jetkizýshilermen eki kelisimshart bar. COVID-19 baılanysty medıtsınalyq qurylǵylardyń baǵasy qaıta qaraldy.

«Bizde kelisim boıynsha 10 túrli zat bar. Máselen, qolǵap, maska, kostıým baǵasy 5-10 esege ósti», - dedi spıker.

Búginde zaýytta 2,5-3 mln maska bar. Táýligine 300 myńǵa jýyq maska men 150 myń sterıldi qolǵap shyǵarylady.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT