Qazaqstandyq dzıýdoshy Abıba Ábýjaqynova Mońǵolııada ótken jarystan qola júlde aldy
2022 jylǵy 24 maýsym 19:04

Qazaqstandyq dzıýdoshy Abıba Ábýjaqynova Mońǵolııada ótken jarystan qola júlde aldy

NUR-SULTAN. QazAqparat - Mońǵolııa astanasy Ulanbatyr qalasynda ótip jatqan dzıýdodan «Grand Slam» týrnırinde el quramasy qorjynyna alǵashqy júlde tústi, dep habarlaıdy QazAqparat tilshisi.

Týrnırde 48 keli salmaqta synǵa túsken Abıba Ábýjaqynova Halyqaralyq dzıýdo federatsııasy atynan synǵa túsken Sabına Gılnııazovany jeńip, jarystyń qola júldesin aldy.

Aıta ketsek, atalǵan týrnır Halyqaralyq dzıýdo federatsııasy kúntizbesindegi 2024 jylǵy Parıj Olımpıadasyna arnalǵan alǵashqy reıtıngilik jarys sanalady. Onda sportshylar dúbirli dodaǵa upaı jınaıdy.

Halyqaralyq týrnır búgin, 24 maýsymda jalaýyn kóterdi. Atalǵan jarysta el quramasynan erlerden 13, áıelderden 7 sportshy baq synaıdy.

Olardyń qatarynda erlerden Baýyrjan Narbaev (60 keli), Qanat Seıilhan (60 keli), Eldos Smetov (66 keli), Ǵusman Qyrǵyzbaev (66 keli), Erlan Serikjanov (73 keli), Ańsarbek Ǵaınýllın (73 keli), Bekádil Sháımerdenov (81 keli), Abylaıhan Jubanazar (81 keli), Ersultan Muzapparov (90 keli), Dıdar Hamza (90 keli), Nurlyhan Sherhan (100 kelig deıin), Islam Bozbaev (100 kelige deıin), Ádil Orazbaev (100 keliden joǵary) tatamıge shyǵady.

Al áıelderde Abıba Ábýjaqynovadan ózge Samalaı Erǵalıeva (63 keli), Zere Bektasqyzy (70 keli), Ekaterına Tokareva (70 keli), Arýna Jangeldına (78 kelige deıin), Nazgúl Maratova (78 keliden joǵary), Kamıla Berlıkash (78 keliden joǵary) jarysqa túsedi.

Eske salsaq, boksshy Golovkın «Kanelomen» trılogııasyna daıyndyǵyn kórsetti.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT